— पश्चिम एसिया युद्धको सुरुवातमा इरानको एक विद्यालयमा भएको क्षेप्यास्त्र आक्रमणमा मारिएका विद्यार्थीका अभिभावकलाई चीनले सहयोगस्वरुप २ लाख डलर दिने जनाएको छ ।
इरानले अमेरिका र इजरायलमाथि युद्धको पहिलो दिन दक्षिण इरानस्थित एक विद्यालयमा आक्रमण गरेको आरोप लगाएको छ । स्थानीय सञ्चार माध्यमका अनुसार आक्रमणमा मारिएका कम्तीमा १६५ जनाको अन्त्येष्टि गरिएको थियो । घटनाको स्वतन्त्र पुष्टि भने भएको छैन र अमेरिकी सेनाले अनुसन्धान जारी राखेको जनाएको छ ।
बेइजिङको विदेश मन्त्रालयका प्रवक्ता गुओ जियाकुनले विद्यालय र बालबालिकामाथि हुने आक्रमण अन्तर्राष्ट्रिय मानवीय कानुनको ‘गम्भीर उल्लंघन’ भएको बताएका छन् । उनले भने, 'यो मानव विवेक र नैतिकताको आधारलाई उल्लंघन गर्ने कार्य हो । चीन यस कठिन समयमा इरानी जनतालाई सहयोग गर्न तयार छ ।’
चिनियाँ रेडक्रस सोसाइटीले उक्त सहयोग इरानी रेड क्रिसेन्टमार्फत मृतक विद्यार्थीका अभिभावकलाई ‘समवेदना र क्षतिपूर्ति’ स्वरूप उपलब्ध गराउनेछ ।
न्युयोर्क टाइम्सले अमेरिकी सैन्य अनुसन्धानमा अमेरिकी टोमहाक मिसाइलले गल्तीले विद्यालयमा प्रहार गरेको रिपोर्ट प्रकाशित गरेको छ । इजरायलले यस आक्रमणसाग आˆनो कुनै सम्बन्ध नरहेको बताएको छ ।
अमेरिकी राष्ट्रपति डोनाल्ड ट्रम्पले सुरुमा यस घटनामा इरान आफौ संलग्न हुन सक्ने बताएका थिए । पछि घटना बारे अनुसन्धानले देखाउने नतिजा अनुसार प्रतिक्रिया दिने बताएका थिए ।
