— रियल म्याड्रिडले स्पेनी ला लिगामा शनिबार एल्चेलाई ४–१ ले हराएको छ र शीर्षमा रहेको बार्सिलोनासँगको दूरी एक अंकमा छोट्याएको छ । त्यस जितमा रियलका लागि आर्डा गुलेरले ७० यार्डबाट सनसनीपूर्ण गोल गरेका थिए ।
अन्य गोल एन्टोनियो रुडिगर, फेडरिको भाल्भारडे र डिन हुइजसेनको नाममा रह्यो । यो जितपछि रियलको ६६ अंक भएको छ । एक खेल कम खेलेको बार्सिलोना भने ६७ अंकमा छ ।
अन्य खेलमा जिरोनाले एथलेटिको बिलबाओलाई ३–०, एटलेटिको म्याड्रिडले गेटाफेलाई १–० र रियल ओभिएडोले भ्यालेन्सियालाई १–० ले हरायो । एटलेटिको ५७ अंकमा तेस्रो स्थानमा उक्लेको छ ।
