: पाकिस्तानले अफगान तालिबानविरुद्ध जारी 'अपरेसन गजब-लिल-हक 'लाई केही समयका लागि रोक्ने निर्णय गरेको छ।
पाकिस्तानका सूचना मन्त्री अताउल्लाह तारडले बुधबार जानकारी दिए अनुसार, 'इद-उल-फित्र' र 'भ्रातृ ईस्लामी राष्ट्रहरू' को अनुरोधमा अफगान तालिबानविरुद्धको कारबाहीलाई केही समयका लागि स्थगित गरिएको हो।
अताउल्लाह तारडले एक्समा लेखेका छन् 'इद-उल-फित्रलाई ध्यानमा राख्दै, आफ्नो इच्छाले र भ्रातृ ईस्लामी देशहरू साउदी अरब, कतार र टर्कीको अनुरोधमा, पाकिस्तान सरकारले अफगानिस्तानमा आतंकवादीहरू विरुद्ध जारी 'अपरेसन गजब-लिल-हक' लाई अस्थायी रूपमा रोक्ने घोषणा गरेको छ।'
उनले अगाडि लेखेका छन् यो रोक १८/१९ मार्च २०२६ को मध्यरातदेखि २३/२४ मार्च २०२६ को मध्यरातसम्म लागू रहनेछ।
पाकिस्तानले यो कदम असल नियत र ईस्लामी परम्परा अनुसार चालेको हो। तर, यदि यस अवधिमा कुनै सीमापार आक्रमण, ड्रोन हमला वा पाकिस्तानभित्र कुनै आतंकवादी घटना भएमा, 'अपरेसन गजब-लिल-हक' तुरुन्तै र अझ बढी कडाइका साथ पुनः सुरु गरिनेछ।
अर्को एउटा पोस्टमा तारडले बताए अनुसार, युद्धविराम घोषणा हुनु अघिसम्म अफगानिस्तानमा ७०७ आतंकवादी मारिएका छन् र ९३८ जना घाइते भएका छन्। उनले अफगानिस्तानका ८१ स्थानमा हवाई हमला गरी आतंकवादी र उनीहरूको नेटवर्कलाई निशाना बनाइएको दाबी समेत गरे।
