: इरानले संयुक्त अरब इमिरेट्स (यूएई) को सहर रस अल-खैमाहमा ‘निर्णायक शक्ति’ का साथ हमला गर्ने चेतावनी दिएको छ। फारसको खाडीका दुईवटा टापुहरूको विषयमा यूएईसँग लामो समयदेखि चलिरहेको विवादलाई लिएर इरानले यस्तो धम्की दिएको हो।
सरकारी सञ्चारमाध्यमका अनुसार इरानी सशस्त्र बलका प्रवक्ताले टेलिग्राममार्फत एक सन्देश जारी गर्दै चेतावनी दिएका छन्- 'अबू मुसा र ग्रेटर टुनब टापुहरूमा हुने कुनै पनि नयाँ आक्रामकताको जवाफ यूएईको उक्त सहरमा हमला गरेर दिइनेछ।'
यद्यपि, उक्त सन्देशमा 'आक्रामकता'कस्तो प्रकारको हुनेछ भन्नेबारे स्पष्ट पारिएको छैन। विगत दशकौँदेखि यी दुवै टापुहरू इरानको कब्जामा छन्। रणनीतिक रूपमा निकै महत्त्वपूर्ण मानिने फारसको खाडीमा अवस्थित यी टापुहरूमाथि यूएईले पनि आफ्नो दाबी गर्दै आएको छ।
