: राष्ट्रिय खेलकुद परिषद् (राखेप) र अखिल नेपाल फुटबल संघ (एन्फा) बिच आज छलफल हुने भएको छ।
राष्ट्रिय लिग र महिला लिग स्थगित भएसँगै लिग सञ्चालन र एन्फाको चुनावको विषयलाई लिएर आज ३ बजे बैठक बस्न लागेको एन्फा महासचिव किरण राईले अन्नपूर्ण पोष्टलाई जानकारी दिए। ‘जारी घटनाक्रमसँग सम्बन्धित भएर आज हामी बैठक बस्दैछौं। त्यसपछि मात्रै चुनाव र लिगसँग सम्बन्धित उत्तर दिन सकिन्छ।’
नेपाल र हङकङ चाइनाबिच हुने भनिएको फिफा विन्डो अन्तर्गतको मैत्रीपूर्ण खेल मैदानको विवादका कारण स्थगित हुँदा एन्फा र राखेपको विवाद थप टसिलो बनेको हो।
