: प्रतिनिधि सभाका नवनिर्वाचित सांसदको शपथ ग्रहण आज हुँदैछ। फागुन २१ गते भएको निर्वाचनमा निर्वाचित भएका सांसदको शपथ ग्रहण आज दिउँसो २ बजे तय भएको संघीय संसद् सचिवालयका महासचिव पद्मप्रसाद पाण्डेयले जानकारी दिए।
उनका अनुसार शपथ ग्रहण कार्यक्रम सिंहदरबारस्थित निर्माणाधीन संघीय संसद् भवनको बहुउद्देश्यीय सभाकक्षमा हुनेछ। नवनिर्वाचित सांसदलाई प्रतिनिधि सभाका ज्येष्ठ सदस्य एवम् कांग्रेस सांसद अर्जुननरसिंह केसीले पद तथा गोपनीयताको शपथ गराउनेछन्। उनले राष्ट्रपति रामचन्द्र पौडेलबाट बुधबार पद तथा गोपनीयताको शपथ लिएर पदभार ग्रहण गरिसकेका छन्।
null
संसद सचिवालयका अनुसार नवनिर्वाचित सदस्यमध्ये ५४ जनाले मातृभाषामा शपथ लिने पत्र प्राप्त भएको छ। नवनिर्वाचित सदस्यलाई आफूले शपथ लिन चाहेको सम्बन्धित भाषामा शपथको बेहोरा अनुवाद गरी शपथ कार्यक्रमभन्दा अगाडि नै जानकारी गराउनुपर्ने प्रावधान छ।
लामिछानेको विषयमा दुई थरी तर्क
यता सहकारी ठगी, सङ्गठित अपराध तथा सम्पत्ति शुद्धीकरणसम्बन्धी मुद्दा खेपिरहेका चितवनबाट निर्वाचित रास्वपा सभापति रवि लामिछानेले शपथ के गर्छन् चासोका साथ हेरिएको छ। सम्पत्ति शुद्धीकरण ऐनमा भएको व्यवस्थाको आधारमा यसअघिको प्रतिनिधिसभामा उनी सांसद पदबाट निलम्बनमा परेका थिए।
महान्यायाधीवक्ताको कार्यालयले उनीमाथिको सम्पत्ति शुद्धीकरण र सङ्गठित अपराधसम्बन्धी अभियोग फिर्ता गर्ने प्रक्रिया अगाडि बढाएपनि मुद्धा विचाराधिन रहेकाले जेष्ठ सदस्य केसीलाई लामिछानेलाई शपथ ग्रहण गराउँछन्ग कि गराउँदैनन् भन्ने आम चासो छ। कानुनविद्हरु पनि शपथ ग्रहण विषयमा दुई थरी नै तर्क राखेका छन्। शपथ ग्रहण गर्न पाउने तर त्यसलगत्तै लामिछानेको पद निलम्बनमा जाने तर्क पनि कानुनविद्को रहेको छ। सांसद हुने तर सांसदको हैसियतका कार्यभार सम्हाल्न नपाउने भएकाले उनी मन्त्री नबन्ने तर्क गरिएको छ। आजै सर्वोच्च अदालतमा हेर्दाहर्दैमा उनको मुद्दाको पेशी पनि छ।
