: अमेरिकी राष्ट्रपति डोनाल्ड ट्रम्पले इरान युद्धका कारण रोकिएको आफ्नो चीन भ्रमणबारे नयाँ जानकारी सार्वजनिक गरेका छन् ।
ट्रम्पले सामाजिक सञ्जाल ट्रुथमार्फत चीनका राट्रपति शी जिनपिङसँगको भेटघाटको समय फेरिएको बताए । ट्रम्पको चीन भ्रमण इरानमा जारी अमेरिकी सैन्य अभियानका कारण स्थगित गरिएको थियो। अब यो भेटघाट आगामी मे १४ र १५ तारिखका दिन बेइजिङमा हुनेछ।
यसका साथै, ट्रम्पले यसै वर्षको अन्त्यतिर वासिङ्टन डीसी (अमेरिका) मा प्रथम महिला मेलानिया र आफूले राष्ट्रपति शी तथा म्याडम पेङको आतिथ्यता गर्ने जानकारी पनि दिएका छन् ।
ट्रम्पले ट्रुथमा लेखेका छन्, 'हाम्रा प्रतिनिधिहरू यी ऐतिहासिक भ्रमणको तयारीमा जुटेका छन्। म राष्ट्रपति शीसँग समय बिताउन निकै उत्सुक छु। मलाई पूर्ण विश्वास छ कि यो एक अत्यन्त महत्त्वपूर्ण र अविस्मरणीय अवसर हुनेछ।'
