: वन तथा वातावरणमन्त्री गीता चौधरीले मानव–वन्यजन्तु द्वन्द्व न्यूनीकरणका लागि रणनीतिक योजना ल्याउने बताएकी छिन् । शुक्रबार सिंहदरबारमा पदभार ग्रहण गर्दै मन्त्री चौधरीले मानव–वन्यजन्तु द्वन्द्वलाई नियन्त्रण गर्नु अहिलेको आवश्यकता रहेको भन्दै यसका लागि रणनीतिक योजना ल्याउने बताएकी हुन् ।
उनले द्वन्द्व न्यूनीकरणका लागि सरोकारवालासँग छलफल गरी ठोस रणनीति बनाइने उल्लेख गरिन् । उनले विशेष गरी वन पैदावार र समुदाय दुवैलाई सशक्त बनाउनु पर्ने आवश्यकता रहेको धारणा समेत राखिन् । मन्त्री चौधरीले शुक्लाफाँटा राष्ट्रिय निकुञ्ज क्षेत्रबाट आफू आएको उल्लेख गर्दै मध्यवर्ती क्षेत्रका बासिन्दाले भोगिरहेका समस्यालाई समाधान गर्न प्राथमिकता दिइने धारणा राखिन् ।
