इरानले अमेरिका र इजरायलले आफ्ना नागरिक संरचना र केन्द्रहरूमा निरन्तर आक्रमण जारी राखेको आरोप

: इरानले अमेरिका र इजरायलले आफ्ना नागरिक संरचना र केन्द्रहरूमा निरन्तर आक्रमण जारी राखेको आरोप लगाएको छ। इजरायलले इरानका दुई ठुला स्टिल कारखाना, एउटा पावर प्लान्ट र नागरिक आणविक क्षेत्र (सिभिलियन न्युक्लियर साइट्स) लगायतका संरचनाहरूमा हमला गरेको इरानी विदेशमन्त्री अब्बास अरागचीले बताएका छन् ।

अरागचीले सामाजिक सञ्जाल एक्समार्फत भनेका छन्, 'इजरायलले यो हमला अमेरिकाको सहयोगमा गरेको हो। यो आक्रमण अमेरिकी राष्ट्रपतिले दिएको समय सीमा (डेडलाइन) को विरुद्धमा छ। इरानले इजरायलका यी अपराधहरूको निकै ठुलो मूल्य असुल गर्नेछ।'

बीबीसीले उल्लेख गरेअनुसार अमेरिकी राष्ट्रपति डोनाल्ड ट्रम्पले इरानको ऊर्जा संरचनामा हुने कुनै पनि आक्रमणलाई आगामी १० दिनसम्म रोक्ने बताएका थिए। तर, ट्रम्पको यो बयान आएको २४ घण्टा नबित्दै यी हमलाहरू भएका छन्।

यसका साथै, इजरायली सेनाले इरानको 'अराक हेभी वाटर न्युक्लियर प्लान्ट' मा पनि आक्रमण गरेको छ। यद्यपि यसमा मानवीय क्षति भने भएको छैन।

अर्कोतर्फ, डोनाल्ड ट्रम्पका विशेष दूत स्टिभ विटकफले यसै हप्ता इरानसँग बैठक हुने अपेक्षा गरिएको बताएका छन्।

प्रतिक्रिया दिनुहोस्

अन्य समाचारहरु

ट्रम्पले अमेरिका–इरानबीच एक महिनादेखि चलिरहेको युद्धविराम ‘लाइफ सपोर्ट’ मा रहेको बताए

। अमेरिकी राष्ट्रपति डोनाल्ड ट्रम्पले अमेरिका–इरानबीच एक महिनादेखि चलिरहेको युद्धविराम ‘लाइफ सपोर्ट’ मा रहेको बताएका छन् । ह्वाइट हाउसको ओभल अफिसमा सोमवार पत्रकारहरूसँग कुरा गर्दै उनले युद्धविराम अहिले जारी रहे पनि अत्यन्तै कमजोर स्थितिमा रहेको बताएका हुन् । राष्ट्रपति ट्रम्पको अभिव्यक्तिबाट युद्धविराम औपचारिक रूपमा कायम रहे पनि जुनसुकै बेला भंग हुन सक्ने अत्यन्त कमजोर अवस्थामा पुगेको अनुमान ...

रुस र ताजिकिस्तानबीचको सम्बन्ध एक भरपर्दो रणनीतिक साझेदारी र गठबन्धनका रूपमा अगाडि बढिरहेको

। ताजिकिस्तानका लागि रुसी राजदूत सेम्योन ग्रिगोभले रुस र ताजिकिस्तानबीचको सम्बन्ध एक भरपर्दो रणनीतिक साझेदारी र गठबन्धनका रूपमा अगाडि बढिरहेको बताएका छन्। दुई देशबीच कूटनीतिक सम्बन्ध स्थापना भएको ३४औँ वार्षिकोत्सवका अवसरमा तास समाचार एजेन्सीसँग कुरा गर्दै राजदूत ग्रिगोभले सबै क्षेत्रमा गतिशील सम्पर्क र दिगो संयन्त्रमार्फत सहकार्य भइरहेको उल्लेख गरे। उनले रुसी राष्ट्रपति भ्लादिमिर पुटिन र ताजिक राष्ट्रपति ...

लेबनानको राजधानी बेइरुट नजिक तथा दक्षिणी क्षेत्रमा इजरायलले गरेको ड्रोन र हवाई आक्रमणमा कम्तीमा १७ जनाको मृत्यु

। लेबनानको राजधानी बेइरुट नजिक तथा दक्षिणी क्षेत्रमा इजरायलले गरेको ड्रोन र हवाई आक्रमणमा कम्तीमा १७ जनाको मृत्यु भएको छ । मृतकमध्ये एक १२ वर्षीया बालिका पनि रहेको जनाइएको छ । स्थानीय सञ्चारमाध्यम र स्वास्थ्य मन्त्रालयका अनुसार शनिबार बेइरुटको दक्षिणी क्षेत्रमा सवारीसाधनलाई लक्षित गरी गरिएको तीनवटा ड्रोन आक्रमणमा चार जनाको ज्यान गएको हो । त्यस्तै, दक्षिणी ...

हर्मुजमा अमेरिकाले कठिनाइको सामना गर्नुपर्ने इरानको चेतावनी

। इस्लामिक गणतन्त्र इरानविरुद्ध संयुक्त राज्य अमेरिकाले लगाएका प्रतिबन्धहरूको पालना गर्ने देशहरूले ‘स्ट्रेट अफ हर्मुज’ पार गर्न कठिनाइको सामना गर्नुपर्ने इरानको सेनाले आइतबार चेतावनी दिएको छ । यसै महिनाको सुरुवातमा अमेरिकी सरकारले इरानको हित र चासोका विषयमा नयाँ प्रतिबन्ध लगाएको थियो । अमेरिकाले जहाजलाई तेहरानका अधिकारीहरूलाई उक्त जलमार्गबाट जान पैसा नदिन आग्रह गरेको थियो । एएफपीले प्राप्त ...