— प्रधानमन्त्री वालेन्द्र शाहको प्रमुख सल्लाहकारमा कुमार बेन (व्यञ्जनकार) र राजनीतिक सल्लाहकारमा असीम शाह नियुक्त भएका छन् । प्रधानमन्त्रीको सचिवालयका अनुसार मन्त्रिपरिषद्को बैठकले बेन र शाहलाई सल्लाहकारमा नियुक्त गरेको हो ।
प्रधानमन्त्री तथा मन्त्रिपरिषद्को कार्यालय सिंहदरबारमा चैत १३ मा बसेको बैठकले बेन र शाहलाई प्रमुख सल्लाहकार र राजनीतिक सल्लाहकार नियुक्त गरेको हो ।
प्रमुख सल्लाहकारमा नियुक्त बेन प्रधानमन्त्री शाहका यअघिदेखिकै सहयोगी हुन् । काठमाडौं महानगरपालिकाको मेयर हुँदादेखि नै बेनले शाहलाई सहयोग गर्दै आएका थिए । यसपटकको चुनावी अभियानमा पनि शाहको साथमै थिए ।
प्रधानमन्त्रीको प्रमुख राजनीतिक सल्लाहकारमा नियुक्त असीम शाह रास्वपाका पूर्वसांसद हुन् । उनी २०७९ को चुनावमा रास्वपाका सांसद बनेका थिए । रास्वपा सभापति रवि लामिछाने र प्रधानमन्त्री शाहबीच सँगै राजनीतिक यात्रा गर्ने छलफल असीम शाहको घरमा भएको थियो ।
प्रधानमन्त्रीको प्रमुख स्वकीय सचिवमा सुवास शर्मा नियुक्त भएका छन् भने आईटी सल्लाहकारमा विवेक मिश्र नियुक्त भएका छन् ।
