: इन्डियन प्रिमियर लिग (आइपीएल) २०२६ मा मुम्बई इन्डियन्सले लिगमा जितसहितको सुरुवात गरेको छ। कोलकाता नाइट राइडर्सलाई ६ विकेटले पराजित गरेको हो।
सन् २०१२ यता आइपीएलको पहिलो खेल (ओपनिङ गेम) जित्न नसक्ने खराब रेकर्ड रहेको मुम्बईले आफ्नो यो खराब इतिहासमा पूर्णविराम लगाएको छ । योसँगै मुम्बईले आइपीएलको पछिल्ला सात खेलहरूमा २२० भन्दा माथिको लक्ष्य पछ्याउन सकेको थिएन। तर यो रेकर्ड पनि मुम्बईले तोड्यो। २२१ को विजयी लक्ष्य १९.१ ओभरमा पूरा गर्दै मुम्बईले आइपीएल २०२६ को संस्करणमा दुईवटा रेकर्ड सुधार गरेको हो।
मुम्बईको वानखेडे क्रिकेट स्टेडियममा टस हारेर पहिले ब्याटिङको निम्तो पाएको विश्वभरमा ४ विकेट गुमाउँदै २२० रन बनाएको थियो।
२२१ रनको विजयी लक्ष्य पछाएको मुम्बई इन्डियन्सले १९.१ ओभरमा ४ विकेटको क्षतिमा २२४ रन सहित लक्ष्य पूरा गरेको हो। मुम्बई इन्डियन्सका लागि ओपनरद्वय रयान रिकेल्टन र रोहित शर्माले पहिलो विकेटका लागि १४८ रनको शतकीय पारीको साझेदारी गरे। यो साझेदारीले नै मुम्बईलाई जितको निकै नजिक पुर्याइसकेको थियो। तर पहिलो विकेटका रूपमा रोहित शर्माको विकेट गुमाएपछि ठूला साझेदारीहरू बन्न सकेनन्। व्यक्तिगत रूपमा ओपनर ब्याटर र यान डिटेलटोनले सर्वाधिक ८१ रनको पारी खेले। उनले ४३ बलमा ४ चौका र ८छक्का प्रहार गर्दै रनआउट भए।
अर्का ओपनर रोहित शर्माले ३८ बलमा समान ६ चौका र ६ छक्का सहित ७८ रनको पारी खेले। सूर्यकुमार यादवले १६ रन बनाउँदा तिलक बर्माले २० रन बनाए कप्तान हार्दिक पाण्ड्या १८ रनमा अविजित रहँदा नमन धिर ५ रनमा अविजित रहे।
कोलकाताका लागि बलिङतर्फ वैभव अरोरा, कार्तिक त्यागी र सुनिल नारायणले १-१ विकेट लिए। त्यसअघि, टस हारेर ब्याटिङ गरेको कोलकाताको लागि कप्तान अजिन्क्य रहणेले सर्वाधिक ६७ रनको पारी खेले। उनले ४० बलमा ३ चौका र ५ छक्का प्रहार गरे। उनले पहिलो विकेटका लागि फिन एलेनसँग ६९ रनको साझेदारी गरेका थिए। फिनले व्यक्तिगत रूपमा ३७ रन बनाए। क्यामरोन ग्रिनले १८ रन बनाउँदा अंगकृष्ण रघुवंशीले ५१ रनको अर्धशतकीय पारी खेले। रिंकु सिंह ३३ र रमनदीप सिंह ४ रनमा अविजित रहे।
मुम्बईका लागि बलिङतर्फ सार्दुल ठाकुरले ३ विकेट लिए भने कप्तान हार्दिक पाण्ड्याले १ विकेट लिए।
सोमबार आइपीएलमा एक खेल रहेको छ। जसमा राजस्थान रोयल्स(आरआर) र चेन्नई सुपर किङ्स(सिएसके)ले नेपाली समयअनुसार ७:४५ मा खेल्नेछन्।
