। १७ करोड भन्दा बढीको क्रिप्टो कारोबार गरेको आरोपमा एक चिनियाँ नागरिक पक्राउ परेका छन् ।
पक्राउ पर्नेमा ठमेल बस्दै आएका ३५ वर्षीय चिनियाँ नागरिक झु यि फेङ छन् । उनले नेपाली नागरिकलाई विश्वासमा पारेर ठगी गर्ने गरेको र ठगेको रकम क्रिप्टोमा लगानी गरेको पाइएको जिल्ला प्रहरी परिसर काठमाडौंले बताएको छ ।
पक्राउ परेका उनले १७ करोड ७९ लाख ७० हजार ३१७ रुपैयाँ बराबरको क्रिप्टो कारोबार गरेको भेटिएको छ ।
पक्राउ परेका उनीविरुद्ध काठमाडौं जिल्ला अदालतबाट ५ दिनको म्याद लिएर अनुसन्धान अघि बढाइएको छ ।
