: नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीको समर्थनमा भएको प्रदर्शनमा सहभागी भएकी अमिशा पराजुलीलाई साइबर बुलिङ गर्ने युवक पक्राउ परेका छन्।
पराजुलीको उजुरीका आधारमा नेपाल प्रहरीको साइबर ब्युरोले रौतहट प्रहरीसँगको समन्वयमा अभिषेक चौधरीलाई पक्राउ गरेको हो। पक्राउ परेका चौधरीलाई थप अनुसन्धानका लागि काठमाडौंस्थित ब्यूरोको कार्यालयमा लैजाने तयारी गरिएको जनाइएको छ।
पराजुलीले केपी शर्मा ओलीको समर्थनमा सार्वजनिक रूपमा अभिव्यक्ति दिएपछि सामाजिक सञ्जालमा लक्षित गर्दै साइबर बुलिङ भएको उनको आरोप छ।
अध्यक्ष ओलीलाई पक्राउ गरेपछि उनको रिहाइका लागि प्रदर्शन गर्न सडकमा उत्रिएकी पराजुलीलाई सामाजिक सञ्जालमा साइबर बुलिङ गरिएको थियो।
