: भारतीय विदेशमन्त्री एस जयशंकर र इरानी विदेशमन्त्री अब्बास अरागचीबीच टेलिफोनमा कुराकानी भएकाे छ । जयशंकरले सामाजिक सञ्जाल 'एक्स'मार्फत यस बारे जानकारी दिँदै भने, 'इरानी विदेशमन्त्री अरागचीको फोन आयो र हामीबीच वर्तमान परिस्थितिबारे कुराकानी भयो।'
भारतस्थित इरानी दूतावासका अनुसार उक्त वार्तामा दुई नेताले द्विपक्षीय सम्बन्धका साथै क्षेत्रीय र अन्तर्राष्ट्रिय मुद्दाहरूमा पनि छलफल गरेका थिए ।
इरानी विदेशमन्त्रीसँगको संवादअघि जयशंकरले संयुक्त अरब इमिरेट्स (यूएई) का उपप्रधानमन्त्री एवं विदेशमन्त्री शेख अब्दुल्ला बिन जायद अल नाहयान र कतारका प्रधानमन्त्री एवं विदेशमन्त्री शेख मोहम्मद बिन अब्दुर्रहमान अल थानीसँग पनि छुट्टाछुट्टै कुराकानी गरेका थिए ।
विदेशमन्त्री जयशंकरले यी तीनै देशका समकक्षीहरूसँग मुख्य रूपमा मध्यपूर्वको वर्तमान तनावपूर्ण अवस्था र पछिल्लो घटनाक्रमबारे केन्द्रित रहेर छलफल गरेकाे बीबीसीले जनाएकाे छ ।
