: अर्थमन्त्री स्वर्णिम वाग्लेले सेयर मार्केटलाई म्यानिपुलेसन गर्नेमाथि कडा कारवाही हुने बताएका छन्। सोमबार स्टक ब्रोकर एशोसिएसनका प्रतिनिधिहरूसँगको छलफलमा अर्थमन्त्री वाग्लेले सेयर मार्केटमाथि सम्पत्ति शुद्धिकरणको छानबिन नहुने बताए।
तर,उनले धितोपत्रसम्बन्धी ऐनहरूको बर्खिलाप गर्नेहरूलाई कानुनको दायरमा ल्याउने दावी गरे।
'स्टक मार्केटमा सम्पत्ति शुद्धिकरणको छानबिन हुँदैन। अन्य निकायभन्दा स्टक मार्केट धेरै नै पारदर्शी छ। तर, कानुनको पालना सबैले गर्नुपर्छ,'उनले भने,' इन्साइड ट्रेडिङ गर्ने, म्यानिपुलेसन र अन्य धितोपत्र सम्बन्धी ऐनहरूको बर्खीलाप गर्नेहरूलाई कानुनको दायरमा ल्याइन्छ।,
वर्तमान सरकार निजी क्षेत्र र पुँजीबजार मैत्री रहेको उनको भनाइ छ। उनले भने,'साना लगानीकर्ताहरूले आत्तिनुपर्दैन। आर्थिक क्षेत्रमा ठूलो सुधार गर्ने पक्षमा हामी लागिपरेका छौं। सबैजना उठ्ने गरी कामहरू गरिरहेका छौं। कम्तिमा बजेटसम्म कुरिदिन आग्रह गर्छु।'
