: प्रहरीले मटिहानीबाट एक करोड तीस लाख विगो रकम रहेका बैंकिङ्ग कसुर मुद्दाको फरार प्रतिवादीलाई पक्राउ गरेका छन् । प्रहरीको टोलीले १ करोड ३० लाख रकम बराबरको बैंकिङ्ग कसुर मुद्दामा मटिहानी नगरपालिका ७ का जगन्नाथ दास वैष्णवलाई पक्राउ गरेको हो ।
दिपेन्द्र ठाकुरको जाहेरीले बैष्णवलाई सोे विगो रकम कसुरमा पक्राउ गरिएको जिल्ला प्रहरी कार्यालय महोत्तरीले जनाएको छ । सो बैंकिङ्ग कसुर मुद्दा दर्ता भए लगतै वैष्णव फरार रहेकोमा उनलाई घरबाटै प्रहरीले नियन्त्रणमा लिएको महोत्तरी प्रहरीले जनाएको छ । पक्राउ परिएको वैष्णवलाई आवश्यक कानुनी कारवाहीको लागि जिल्ला प्रहरी कार्यालय धनुषामा पठाईएको प्रहरीले जानकारी दिएका छन् ।
