: नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ ले आफू जुनसुकै प्रकारको छानविनका लागि पनि तयार रहेको बताएका छन् ।
पार्टी मुख्यालय पेरिसडाँडामा शनिबार सञ्चारकर्मीसँग कुरा गर्दै पूर्व प्रधानमन्त्री समेत रहेका प्रचण्डले शीर्ष नेताहरूको सम्पत्ति छानबिन गर्ने निर्णय आफू प्रधानमन्त्री हुँदा नै गरिसकेको दाबी गरे ।
सबै प्रकारका छानबिका लागि आफू तयार रहेको बताउँदै उनले आफ्नो कार्यकालमा भएका निर्णयहरू पारदर्शी रहेको र त्यसको सामना गर्न आफू डराउनु नपर्ने जिकिर गरे । उनले भने, ‘सम्पत्ति छानबिनको कुरा मेरै पालामा निर्णय गरेको हो । मैले धेरै चोटी भनिसकें ।’
प्रचण्डले प्रधानमन्त्री बालेन शाह नेतृत्वको सरकारबारे टिप्पणी गर्ने बेला भइनसकेको बताएका छन् । उनले भने, ‘हामी हेर्दैछौँ, अहिले नै टिप्पणी गर्ने बेला भएको छैन । सकेसम्म राम्रो गरोस् ।’ सरकारले पूर्व प्रधानमन्त्री प्रचण्डसहित शेरबहादुर देउवा, केपी ओलीसहित सबै शीर्ष तहका नेताहरूको सम्पत्ति छानबिन प्रक्रिया अघि बढाएको छ ।
