: संयुक्त राष्ट्रका महासचिव एन्टोनियो गुटेरेसले अमेरिका–इरान शान्ति वार्ता योजनालाई स्वागत गर्दै दुवै पक्षलाई ‘असल नियत’ सहित वार्तामा सहभागी हुन अपिल गरेका छन् ।
शुक्रबार संयुक्त राष्ट्रसंघको पत्रकार सम्मेलनमा महासचिवका प्रवक्ता स्टेफन डुजारिकले भने, ‘महासचिवले सबै पक्षलाई यस कूटनीतिक अवसरको उपयोग गर्न र असल नियतका साथ स्थायी तथा व्यापक सम्झौताको दिशामा वार्ता गर्न आग्रह गरेका छन् । जसले तनाव कम गरोस् र फेरि द्वन्द्वको अवस्था नआओस् ।’
डुजारिकले भनेका छन्, ‘महासचिवले अन्तर्राष्ट्रिय विवादहरूको शान्तिपूर्ण समाधानको कुनै विकल्प नभएको कुरा पुनः दोहोर्याएका छन् र यो पूर्णरूपमा अन्तर्राष्ट्रिय कानुन, जसमा संयुक्त राष्ट्रसंघको बडापत्र पनि समावेश छ, त्यहि अनुरूप हुनुपर्छ ।’ कूटनीतिक प्रयासहरूलाई समर्थन गर्न सकियोस् भनेर गुटेरेसका विशेष दूतहरू उक्त क्षेत्रमा उपस्थित रहेको समेत उनले जानकारी गराएका छन् ।
