: जाजरकोटको नलगाड नगरपालिका–२, छेप्कामा ग्यास सिलिन्डर लिक भई आगलागी हुँदा घाइते भएका तीन जनाको नेपाली सेनाको हेलिकोप्टरबाट उद्धार गरिएको छ।
प्रहरीका अनुसार आइतबार बिहान आगलागी हुँदा घाइते हुनेमा नलगाड नपा २ छेप्काका माया जैसी, रुपा जैसी र रमेश गौतम रहेका छन्।
नगर अस्पताल दल्लीमा उपचार भइरहेको थियो। घाइतेहरूको अवस्था गम्भीर भएकाले थप उपचारका लागि हेलिकोप्टरमार्फत उद्धार गरिएको जिल्ला प्रशासन कार्यालय जाजरकोटका प्रशासकीय अधिकृत दीपेन्द्र शाहीले बताए। १० बजे भएको घटनाको साढे दुई बजे पछिमात्र उद्धार गरेर थप उपचारका लागि नेपालगन्ज लगिएको हो।
