: अमेरिकी राष्ट्रपति डोनाल्ड ट्रम्पले चिनियाँ सामानमा ५० प्रतिशत कर (ट्यारिफ) लगाउने धम्कीप्रति चीनले मुख खोलेको छ । चीनको विदेश मन्त्रालयले ती मिडिया रिपोर्टहरूलाई अस्वीकार गरेको छ । जसमा चीनले इरानलाई सैन्य सहायता दिइरहेको दाबी गरिएको थियो ।
चीनको विदेश मन्त्रालयका प्रवक्ता लिन जियानले बुधबार सामाजिक सञ्जाल प्लेटफर्म एक्समा लेखेका छन्, ‘चीनले इरानलाई सैन्य सहयोग गरिरहेको भन्ने आरोप लगाउने मिडिया रिपोर्टहरू पूर्ण रूपमा झूटा हुन् ।’
उनले थप लेखे, ‘यदि संयुक्त राज्इ अमेरिकाले यी आरोपका आधारमा चीनमाथि ट्यारिफ बढाउँछ भने, चीनले पनि प्रतिकारात्मक कदम चाल्नेछ ।’ यसअघि अमेरिकी राष्ट्रपति डोनाल्ड ट्रम्पले चेतावनी दिएका थिए कि यदि चीनले इरानलाई सैन्य सहयोग गर्छ भने, अमेरिकाले चिनियाँ सामानमा ५० प्रतिशत ट्यारिफ लगाउनेछ ।
यसको जवाफमा चीनको विदेश मन्त्रालयका अर्का प्रवक्ता गुओ जियाकुनले सोमबार भनेका थिए, ‘चीनले सधैं भनिरहेको छ कि ट्यारिफ युद्धबाट कसैको पनि फाइदा हुँदैन ।’
