कर्तव्य ज्यान सम्बन्धी मुद्दाका फरार २ जना प्रतिवादीलाई प्रहरीले पक्राउ

: कर्तव्य ज्यान सम्बन्धी मुद्दाका फरार २ जना प्रतिवादीलाई प्रहरीले पक्राउ गरेको छ। पक्राउ पर्नेहरूमा ललितपुरको ललितपुर महानगरपालिका-२८ हरिसिद्धी बस्ने मकवानपुर घर भएका ४२ वर्षीय सन्तोष भन्ने यज्ञकुमार सापकोटा र महालक्ष्मी नगरपालिका-२ बालकुमारी बस्ने सोलुखुम्बु घर भएका ३५ वर्षीय होम बहादुर राई रहेका छन्।

जिल्ला अदालत काठमाडौंको २०७८ भदौ २९ गतेको फैसलाले उक्त मुद्दामा यज्ञकुमारलाई जन्मकैद सजाय ठहर भएको तथा जिल्ला अदालत सोलुखुम्बुको २०७८ असार २२ गतेको फैसलाले उक्त मुद्दामा होम बहादुरलाई जन्मकैद सजाय ठहर भई दुबै जना केन्द्रीय कारागार जगन्नाथदेवल सुन्धारामा कैद भुक्तानको क्रममा रहेकोमा २०८२ भदौ २४ गते कारागारबाट भागी फरार भएका थिए।

काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले यज्ञकुमारलाई ललितपुर महानगरपालिका-२८ हरिसिद्धिबाट बिहीबार र होम बहादुरलाई ललितपुर महालक्ष्मी नगरपालिका-२ बालकुमारीबाट शुक्रबार पक्राउ गरेको हो। उनीहरूलाई आवश्यक कारबाहीको लागि केन्द्रीय कारागार जगन्नाथदेवल सुन्धारा काठमाडौं पठाइएको छ।

प्रतिक्रिया दिनुहोस्

अन्य समाचारहरु

सरकारले विद्यार्थी संगठनमाथि प्रतिबन्ध र सुकुम्बासीलाई उठिबास गराएको भन्दै नेकपाको आपत्ति

: नेपाली कम्युनिष्ट पार्टीले सरकारले हालै देशका विभिन्न स्थानमा सुकुम्बासी परिवारहरूलाई उचित विकल्पबिना उठिबास गराउने तथा झुप्रा भत्काउने कार्य गरेको भन्दै गम्भीर आपत्ति जनाएको छ। पार्टीले आइतबार जारी गरेको प्रेस विज्ञप्तिमा यस्तो कदमलाई ‘अमानवीय’ भन्दै तत्काल रोक्न र पुनर्वासको व्यवस्था गर्न सरकारसँग माग गरेको छ। विज्ञप्तिमा सुकुम्बासी व्यवस्थापनका नाममा गरिएका गतिविधिले पीडित परिवारलाई बिचल्ली बनाएको ...

अनियन्त्रित भई मोटरसाइकल दुर्घटना हुँदा एक जनाको मृत्यु

: झापामा अनियन्त्रित भई मोटरसाइकल दुर्घटना हुँदा एक जनाको मृत्यु भएको छ । मोटरसाइकलको पछाडि सवार दमक नगरपालिका-९ का २७ वर्षीय पदमबहादुर मगरको शनिबार साँझ मृत्यु भएको जिल्ला प्रहरी कार्यालय झापाले जनाएको छ । प्रहरीका अनुसार गौरादह नगरपालिका -१ स्थित सितापुरी चोकमा दमकबाट गौरादहतर्फ जाँदै गरेको प्र न १–०१–०१५ प ७५ नम्बरको मोटरसाइकल आफैँ ...

चार थान पेस्तोलसहित गोली बरामद

: काठमाडौं महानगरपालिका-१५ शोभाभगवतीस्थित विष्णुमती खोला किनारबाट प्रहरीले चार थान पेस्तोलसहित गोली बरामद गरेको छ। आइतबार बिहान ११ बजेतिर विशेष सूचनाको आधारमा प्रहरी वृत्त स्वयम्भूबाट खटिएको टोलीले उक्त स्थानमा खोजतलास गर्ने क्रममा हातहतियार फेला पारेको हो। बरामद गरिएका सामग्रीमा टाइप्स -५४ पेस्तोल चार थान,सोही पेस्तोलका म्याग्जिन सात थान र ९ एमएम बेरेटाका ५८ राउण्ड गोली रहेका ...

धार्मिक तथा ऐतिहासिक मन्दिर क्षेत्रवरिपरि सञ्चालन भइरहेका मासु–माछा बिक्री पसल तथा रेस्टुरेन्टहरूको व्यवस्थापनबारे पछिल्ला दिनहरूमा पुनः व्यापक बहस सुरु

उपत्यकाका धार्मिक तथा ऐतिहासिक मन्दिर क्षेत्रवरिपरि सञ्चालन भइरहेका मासु–माछा बिक्री पसल तथा रेस्टुरेन्टहरूको व्यवस्थापनबारे पछिल्ला दिनहरूमा पुनः व्यापक बहस सुरु भएको छ। धार्मिक आस्था, सांस्कृतिक परम्परा र सहरी अनुशासनलाई केन्द्रमा राख्दै यो विषय सामाजिक तथा प्रशासनिक रूपमा संवेदनशील बन्दै गएको देखिन्छ। स्थानीय बासिन्दा, भक्तजन तथा विभिन्न धार्मिक समूहहरूले मन्दिरवरिपरि सञ्चालनमा रहेका मासु–माछा बिक्री तथा सम्बन्धित ...

सल्यानमा जन्ती बोकेको गाडी दुर्घटना हुँदा चार जनाको मृत्यु भएको छ भने १४ जना घाइते

: सल्यानमा जन्ती बोकेको गाडी दुर्घटना हुँदा चार जनाको मृत्यु भएको छ भने १४ जना घाइते भएका छन् । घाइतेमध्ये ७ जनाको अवस्था गम्भीर रहेको सल्यान प्रहरीले जनाएको छ । ‍मृत्यु हुने र घाइते हुने सबै जना एउटै वडाका हुन् । बनगाड कुपिण्डे नगरपालिकाको - ८ थारादेखि कालिमाटी गाउँपालिका-१ को लक्ष्मीपुरतर्फ जन्ती बोकेर जाँदै ...