: अमेरिकाको लुइसियाना राज्यस्थित श्रेभपोर्ट शहरमा गोली चल्दा ८ बालबालिकाको मृत्यु भएको छ। मारिने सबै बालबालिका १ देखि १४ वर्ष उमेर समूहका रहेका छन्। प्रहरीले यस घटनालाई घरेलु विवाद को संज्ञा दिएको छ।
प्रहरीका अनुसार आइतबार एक आक्रमणकारीले १० जनामाथि अन्धाधुन्ध गोली चलाएका थिए। गोली चलाएपछि आक्रमणकारी एउटा गाडी खोसेर घटनास्थलबाट फरार भएका थिए।
फरार हुँदा प्रहरीसँगको मुठभेडमा संदिग्ध आक्रमणकारीको पनि मृत्यु भएको छ। प्रहरीले पीडितहरूको नाम सार्वजनिक नगरे पनि केही बालबालिका मृतक आक्रमणकारीकै नातेदार रहेको बताएको छ। मारिने सबै नाबालक हुन्।
श्रेभपोर्टका मेयरका सञ्चार निर्देशक ली एन एभेन्स्कीले बीबीसीलाई दिएको जानकारी अनुसार, संदिग्ध आक्रमणकारीको पहिचान शमार एल्किन्सको रूपमा गरिएको छ।
