: चट्याङ पर्दा चार्जमा राखेर मोबाइल चलाइरहेका गोरखाका एक युवकको मृत्यु भएको छ । सहिदलखन गाउँपालिका- ५ तोरेन पोखरीडाँडा निवासी २६ वर्षीय विनोद थापाको मृत्यु भएको जिल्ला प्रहरी कार्यालय गोरखाले जनाएको छ ।
आइतबार साँझ ६:३० बजेतिर चट्याङ पर्रिरहेको समयमा चार्जमा राखेर मोबाइल फोनमा बोलिरहेका बेला विद्युतमा हाईभोल्टेज आई मोबाइल पड्कँदा थापा घाइते भएका थिए । प्रहरीका अनुसार उनको कान, अनुहार, छातीमा जलन भई गम्भीर घाइते भएका थिए । घाइते युवाको अस्पतालमा उपचारका क्रममा गएराति २ बजे मृत्यु भएको जिल्ला प्रहरी कार्यालय गोरखाले जनाएको छ।
