: नेपाली कांग्रेसका महामन्त्री प्रदीप पौडेलले पार्टीलाई एकताबद्ध बनाउन जरुरी रहेको बताएका छन्।
कांग्रेस तनहुँको आज आयोजित विस्तारित बैठकलाई सम्बोधन गर्दै उनले पार्टीभित्रको एकता नै सबैभन्दा ठूलो शक्ति भएकाले एकताको विकल्प नभएको बताएका हुन्।
वर्तमान राजनीतिक परिवेशमा पार्टीलाई मजबुत बनाउन संगठन सुदृढीकरण आवश्यक रहेको औंल्याउँदै महामन्त्री पौडेलले सबै तहका नेता तथा कार्यकर्तालाई साझा उद्देश्यका साथ अघि बढ्न आग्रह गरे। पार्टीभित्र आपसी सहकार्य, समन्वय र विश्वास बलियो बनाउनसके कांग्रेसलाई अझ सशक्त बनाउन सकिने उनको भनाइ थियो।
महामन्त्री पौडेलले कांग्रेसले सुरु गरेको जरा अभियानले संगठनलाई नयाँ दिशा दिने विश्वास व्यक्त गरे।
