: लागूऔषध नियन्त्रण अभियानलाई तीव्र बनाउँदै प्रहरीले जिल्लामा ठूलो परिमाणमा अफिम खेती नष्ट गरेको छ । जिल्ला प्रहरी कार्यालय रुकुम पूर्व र अस्थायी प्रहरी चौकी पाखापानीबाट खटिएको संयुक्त टोलीले सिस्ने गाउँपालिका–१ का विभिन्न स्थानमा आफै उम्रिएको अफिमको बोट फडानी गरेको हो ।
nullप्रहरीका अनुसार करिब ८० रोपनी क्षेत्रफलमा फैलिएको अफिम खेती नष्ट गरिएको छ । अवैध रूपमा उम्रिएको उक्त अफिम नियन्त्रण अभियानअन्तर्गत नष्ट गरिएको प्रहरीले जनाएको छ । लागूऔषधजन्य बालीको उत्पादन र विस्तार रोक्न प्रहरीले जिल्लाभर निगरानी बढाएको बताएको छ ।
nullयस्ता अवैध खेती नियन्त्रणका लागि आगामी दिनमा पनि अभियानलाई निरन्तरता दिइने प्रहरी निरीक्षक गोपाल न्यौपानेले बताए । साथै, स्थानीयवासीलाई यस्ता गतिविधिबाट टाढा रहन र जानकारी भएमा प्रहरीलाई सूचित गर्न आग्रह गरिएको छ ।
