: अमेरिकाले इजराइल र खाडी क्षेत्रका केही देशहरूलाई ८.६ अर्ब डलर बराबरको हतियार बिक्री गर्न अनुमति दिएको छ । अमेरिकाले प्याट्रियट मिसाइल डिफेन्स सिस्टमलगायतका विभिन्न प्रिसिजन हतियारहरूको बिक्री स्वीकृत गरेको हो ।
यो निर्णय जब अमेरिका–इजराइल र इरानबीचको द्वन्द्वपछि युद्धविराम लागू भएको तीन हप्ताभन्दा बढी समय भइसकेपछि आएको हो । अमेरिकाले हतियार उपलब्ध गराउने देशहरूमा इजराइल, कतार, कुवेत र संयुक्त अरब इमिरेट्स (यूएई) समावेश छन् ।
यस निर्णयअनुसार कतारलाई प्याट्रियट एयर एन्ड मिसाइल डिफेन्स सिस्टम र यसको सपोर्ट सेवाहरू प्रदान गरिने छ, जसको लागत ४ अर्ब डलरभन्दा बढी छ । एडभान्स्ड प्रिसिजन किल वेपन सिस्टम पनि बेचिने छन्, जसको मूल्य ९९२.४ मिलियन डलर छ ।
कुवेतलाई २.५ अर्ब डलर बराबरको इंटीग्रेटेड ब्याटल कमाण्ड सिस्टम उपलब्ध गराइनेछ । इजराइललाई ९९२ मिलियन डलरभन्दा बढी मूल्यका एडभान्स्ड प्रिसिजन किल वेपन सिस्टम बेच्ने अनुमति दिइएको छ । यूएईलाई पनि यही सिस्टम बेच्ने स्वीकृति दिइएको छ, जसको मूल्य १४७ मिलियन डलरभन्दा बढी छ ।
