इजरायली हवाई आक्रमणमा परेर दक्षिणी लेबनानमा १३ जनाको मृत्यु भएको छ। लेबनानी स्वास्थ्य मन्त्रालयले इजरायली हवाई आक्रमणमा चार महिला र एक बच्चासहित १३ जनाको मृत्यु भएको दाबी गरेको हो।
इजरायल रक्षा बलले यसअघि नाबाटियाह जिल्लाको हबुशमा खाली गर्ने आदेश जारी गरेको थियो। यस क्षेत्रमा भएको आक्रमणमा दुई महिला र एक बच्चासहित ८ जनाको मृत्यु भएको थियो।
यसैबीच, सिदोन जिल्लाको जरारियाहमा दुई महिलासहित ४ जनाको मृत्यु भएको छ। यसैगरी टायर जिल्लाको ऐन बालमा १ जनाको मृत्यु भएको छ।
यी आक्रमणहरूमा जम्मा ३२ जना घाइते भएका छन्। युद्धविरामको अवधि तीन हप्ता बढाए पनि इजरायल र हिजबुल्लाहबीच लडाईं जारी छ। शनिबार, इरान समर्थित समूह हिजबुल्लाहले लेबनानमा इजरायली सैनिक र सैन्य सवारी साधनहरूलाई लक्षित गरेको बताएको छ।
इजरायली सेनाले बिहीबार दक्षिणी लेबनानमा भएको झडपमा आफ्ना एक सैनिकको मृत्यु भएको बताएको छ।
