: राष्ट्रिय खेलकुद परिषद (राखेप) मा राजनीतिक नियुक्ति लिएका २० जना राखेप सदस्यहरु पदमुक्त हुने भएका छन् । अघिल्लो सरकारको पालामा राजनीतिक नियुक्ति पाएका २० सदस्य पदमुक्त हुने भएका हुन् ।
तेजुलाल चौधरी र बब्लु गुप्ता मन्त्री भएका बेला नियुक्त भएका सदस्यहरु वर्तमान सरकारले जारी गरेको अध्यायदेशको आधारमा पदमुक्त हुने भएका हुन् । सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश–२०८३ को आधारमा पदाधिकारी पदमुक्त हुने भएका हुन् ।
उपाध्यक्ष ध्रुव आचार्यले भने यसअघि नै राजीनामा दिएका थिए । हाल राजनीतिक नियुक्तिमा हुने सदस्य सचिवको पद भने कर्मचारीको रुपमा कार्यरत रामचरित्र मेहताले सम्हालिरहेका छन् ।
