: राष्ट्रिय स्वतन्त्र पार्टी (रास्वपा) ले आफू नेतृत्वको सरकारलाई आगामी चैत मसान्तसम्ममा सुकुम्बासीहरुको व्यवस्थापन गर्न सुझाव दिएको छ। पार्टी कार्यालयमा आइतबार बसेको रास्वपा सचिवालय बैठकले अधिकार सम्पन्न प्राधिकरण गठन गरेर अव्यवस्थित र सुकुम्बासी समस्या समाधान गर्न सरकारलाई सुझाव दिएको हो ।
रास्वपाले उक्त प्राधिकरणले अव्यवस्थित र सुकुम्बासीहरूको पहिचान गर्ने, लगत संकलन गर्ने र आगामी चैत मसान्तसम्म कम्तीमा ७५ प्रतिशतको व्यवस्थापन गर्नुपर्ने सुझाव दिएको पार्टी प्रवक्ता मनिष झाले जानकारी दिएका छन् ।
