— टोटनहमले इंग्लिस प्रिमियर लिगमा आइतबार एस्टन भिल्लालाई २–१ ले हराएर रेलिगेसन क्षेत्र छाडेको छ । यो जितपछि टोटनहमको ३७ अंक भएको छ र १७ औं स्थानमा उक्लिन सफल रह्यो । वेस्ट ह्याम भने ३६ अंकमा १८ औं स्थानमा झर्यो ।
यस जितमा टोटनहमका लागि कोनोर ग्यालिघर र रिचार्लिसनले एक एक गोल गरे । भिल्ला भने ५८ अंकमा पाँचौं स्थानमा छ । यसअघि म्यानचेस्टर युनाइटेडले लिभरपुललाई ३–२ ले हराएर अर्को सिजन युरोपेली च्याम्पियन्स लिग खेल्ने निश्चित गरेको छ ।
युनाइटेडको यो जितपछि ६४ अंक भएको छ र तेस्रो स्थानमा रह्यो । लिभरपुल भने ५८ अंकमा चौथो स्थानमा रहेको छ । यस्तै अर्को खेलमा बर्नमाउथले क्रिस्टल प्यालेसलाई ३–० ले हरायो ।
