: महिलामाथि अश्लील हर्कत गरेको आरोपमा पुतलीबजार नगरपालिका–९ का एक युवक पक्राउ परेका छन्। पक्राउ पर्नेमा २० वर्षीय दिवस सुनार रहेका छन्।
प्रहरीका अनुसार,सुनारले एक महिलालाई मोटरसाइकलमा लिएर एकान्त स्थानमा पुर्याएपछि अशोभनीय व्यवहार गरेका थिए। पुतलीबजार नगरपालिका–१ स्थित मालेबगर खेलमैदानतर्फ जाने सडकको एकान्त क्षेत्रमा पुगेपछि उनले ती महिलासँग फोन नम्बर मागेका थिए।
महिलाले नम्बर दिन अस्वीकार गरेपछि सुनारले अशोभनीय व्यवहार देखाएको जाहेरीमा उल्लेख छ। प्रहरीले दिएको जानकारी अनुसार,उनले आफ्नो शरीरको तल्लो भागमा लगाएको कपडा खोलेर अश्लील हर्कत प्रदर्शन गरेका थिए।
महिलाको जाहेरीपछि तत्काल पुगेको प्रहरीले उनलाई पक्राउ गरी आवश्यक कानुनी प्रक्रिया अगाडि बढाएको प्रहरी नायब उपरीक्षक प्रसन्नराज चौधरीले जानकारी दिएका छन्।
