मुख्य समाचार
क्यानका उपाध्यक्ष रोशन सिंहसहित ९ जनाले राष्ट्रिय खेलकुद परिषद (राखेप) मा क्यानको आर्थिक पारदर्शिताको छानबिनको माग राख्दै निवेदन
क्यानका उपाध्यक्ष रोशन सिंहसहित ९ जनाले राष्ट्रिय खेलकुद परिषद (राखेप) मा क्यानको आर्थिक पारदर्शिताको छानबिनको माग राख्दै निवेदन

: नेपाल क्रिकेट संघ (क्यान) को कार्यसमितिभित्रको विवाद उत्कर्षमा पुगेको छ । क्यानका उपाध्यक्ष रोशन सिंहसहित ९ जनाले राष्ट्रिय खेलकुद परिषद (राखेप) मा क्यानको आर्थिक पारदर्शिताको छानबिनको माग राख्दै निवेदन बुझाएका छन् ।

आफ्नै संस्थामा भइरहेको कार्यप्रति असन्तुष्ट पक्षले कानुनी तथा संस्थागत आधारमा नेपाल क्रिकेट संघको निर्धारित समय सीमाभित्र लेखा परीक्षण प्रतिवेदन तथा आर्थिक वर्षको वार्षिक कार्यक्रम र बजेट पेशको समेत आफूहरुलाई जानकारी नगराएको भन्दै राखेपको पत्रमा उल्लेख गरिएको छ ।
कानुनी दायरा अनुसार लेखा परीक्षण गर्नका लागि कार्यसमितिको सदस्यहरूलाई जानकारी गराई कार्यसमितिबाट पारित गराउनुपर्ने तर त्यो नगराई अध्यक्ष तथा सचिव समूहले एकलौटी रुपमा लेखा परीक्षण पास गराएको समेत उक्त पत्रमा उल्लेख गरिएको छ ।

क्यानभित्र वित्तीय पारदर्शिता र उत्तरदायित्वको उल्लंघन भएको बोर्ड निर्णयको अवहेलना तथा संस्थागत अनुशासनमा कमी आएको सूचनाको हकको प्रत्यक्ष उल्लंघन गरिएको लेखा परीक्षण तथा निर्णय प्रक्रियामा गम्भीर अनियमितता तथा राष्ट्रिय खेलकुद विकास ऐन २०७७ बमोजिमको दायित्व समेत उल्लंघन गरिएको भन्दै उपाध्यक्ष समूहले राखेपमा पत्र बुझाएको हो ।

पत्रमा समूहले क्यानको साधारण सभा समयमा सम्पन्न हुन नसकेको र नवीकरण समेत नभएको उल्लेख गरेको छ । यही विषयहरु उपर ध्यानाकर्षण गराउँदै उपाध्यक्ष रोशन सिंह समूहले वैशाख २१ गते हस्ताक्षरसहित राखेपमा आफ्नो मागहरूको छानबिन गरी समस्या समाधान गर्न राखेपको ध्यानाकर्षण गराएका छन् ।

उपाध्यक्षसहित केन्द्रीय सदस्यहरू प्रदिप मजगैंया, माधव कर्मचार्य, वीरेन्द्र चन्द, अर्जुन पौडेल, जयन्ती भट्ट, दिवाकर घले, दुर्गाराज पाठक र विक्रम बिष्टले निवेदनमा हस्ताक्षर गरेका छन् । यो समूहले बारम्बार आफूहरूलाई जानकारी नदिई क्यानको लेखा परीक्षण गराइएको र आर्थिक अपारदर्शिता भइरहेको भन्दै बोर्ड बैठक समेत बारम्बार बहिष्कार गर्दै आइरहेको थियो । सोही विषय बाहिर आएपछि क्यानले नेपाल प्रिमियर लिग (एनपीएल) को दुवै संस्करणको आम्दानी र खर्चको विवरण क्यानले सार्वजनिक गरेको थियो ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...