मुख्य समाचार
नेपाल ए क्रिकेट टोलीले स्कटल्यान्डसँगको पहिलो एकदिवसीय अभ्यास खेल जितेको छ
नेपाल ए क्रिकेट टोलीले स्कटल्यान्डसँगको पहिलो एकदिवसीय अभ्यास खेल जितेको छ

। स्पीन बलरहरूले राम्रो प्रदर्शन गरेपछि नेपाल ए क्रिकेट टोलीले स्कटल्यान्डसँगको पहिलो एकदिवसीय अभ्यास खेल जितेको छ । बिहीबार माथिल्लो मुलपानी क्रिकेट मैदानमा भएको खेलमा नेपाल ए ले स्कटल्यान्डलाई ४६ रनले पराजित गरेको हो ।

नेपालले दिएको २७८ रनको लक्ष्य पछ्याएको स्कटल्यान्ड ४८.२ ओभरमा २३२ रनमा अलआउट भयो । फिनले माकरिथले सर्वाधिक ५२ रन बनाए भने ज्याक जार्भिसले ४५ रन बनाए । मार्क वाटले ३७ रन बनाए । म्याथ्यु क्रसले २२ अनि ब्रान्डन म्याकमुलेनले २१ रन बनाए ।




नेपाल ए का लागि राशिद खानले ३.२ ओभरमा २३ रन दिएर ३ विकेट लिए । शाहब आलम, युवराज खत्री र बसिर अहमदले २-२ विकेट लिए भने कुशल मल्लले १ विकेट लिए । स्पीनरले ७ विकेट लिँदा राशिदले अन्त्यतिर ३ विकेट लिएर इनिङ समाप्त गरिदिए ।

स्कटल्यान्डले सुरुवात भने राम्रो गरेको थियो । पहिलो विकेटका लागि वाट र फिनले मिलेर ८७ रनको साझेदारी गरेका थिए । त्यसपछि १०८ रनमा दोस्रो विकेट गुमाएको थियो ।




१०८-१ बाट स्कटल्यान्ड १६४-७ को अवस्थामा पुग्यो । बीचका ओभरमा स्पीनरले शानदार बलिङ गरे । स्कटल्यान्डका ब्याटरहरू खराब शट खेल्ने क्रममा आउट भएका थिए ।

त्यसअघि पहिले ब्याटिङ गरेको नेपाल ए ले ५० ओभरमा ८ विकेट गुमाएर २७७ रन बनाएको थियो । देव खनालले ६३ रन बनाए भने मयन यादवले ४५, सन्दीप जोराले ३४, पवन सर्राफले ३१, दीपक डुम्रेले अविजित २३ रन बनाए ।

नेपाली ब्याटरले पनि राम्रो सुरुवात गरेका थिए । पहिलो विकेटका लागि कप्तान अनिल साह र मयन यादवले ५६ रनको साझेदारी गरेका थिए । अनिल १८ रनमा आउट भएपनि मयनले देव खनालसँग मिलेर इनिङ अघि बढाए ।

मयन आउट हुँदा नेपाल ८३-२ को अवस्थामा पुगेको थियो भने त्यहाँबाट देव सन्दीप जोरासँग मिलेर ७७ रनको साझेदारी गरेका थिए । १६०-३ को अवस्थाबाट रनगति केही कम भएपनि दीपक डुम्रेले अन्तिम ओभरमा चार चौका र एक छक्का प्रहार गर्दै आक्रामक फिनिसिङ दिलाएका थिए । उनको त्यही क्यामिओ मद्दतमा नेपाल ए ले बलियो योगफल खडा गर्न सफल भयो ।

स्कटल्यान्डका लागि ब्राड्ली करी र सफिया शरिफले २-२ विकेट लिए भने ज्याक जार्भिस, ओलिभर डेभिडसन र ब्रान्डन माकमुलेनले १-१ विकेट लिए ।

अर्धशतक प्रहार गरेका देव खनाल ‘प्लेयर अफ द म्याच’ घोषित भए । उनले फिल्डिङमा दुई क्याच समेत लिएका थिए ।

खेलपछि कुरा गर्दै देवले स्कटल्यान्डजस्तो टिमलाई हराउनु धेरै राम्रो कुरा भएको बताए । ‘ओभरअल टिम एफर्ट भयो, स्कटल्यान्ड एउटा राम्रो टिम हो । त्यसकारण आजको जित एउटा गूड विन हो । विशेषगरी स्पीनरे राम्रो प्रदर्शन गरे’ देवले भने ।

यस्तै स्कटल्यान्डका कप्तान रिची बेरिङटनले भने राम्रो सुरुवात भएपनि बीचको ओभरमा धैर्यता नहुँदा हार बेहोरेको बताए । ‘हामीले राम्रो सुरुवात गरेका थियौं । तर पछि स्पीनरहरूले राम्रो बलिङ गरे । यस खेलबाट केही पोजिटिभ कुराहरू पनि लिएका छौं’ बेरिङटनले खेलपछि भने ।

उनले नेपाली बलरले कन्डिशनको राम्रो प्रयोग गरेको बताए । ‘च्यालेन्जिङ सरफेस थियो । हामीले अलि राम्रो खेल्न सक्थ्यौं तर हुन सकेन ।

नेपाल ए ले यसअघि ओमानसँग पनि एकदिवसीय खेल खेलेको थियो । त्यसबेला एक खेल जित्दा एक खेलमा पराजित भयो ।

नेपाल ए ले अब भोलि शुक्रबार अमेरिकासँग खेल्नेछ ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...