: पाकिस्तानको खैबर पख्तुनख्वाको बन्नु जिल्लामा रहेको प्रहरी चौकीमा भएको आतंकवादी आक्रमणमा मारिने प्रहरीको संख्या १५ पुगेको छ। बन्नू मेडिकल एण्ड टिचिङ इन्स्टिच्युटका प्रवक्ता नोमान खानले आक्रमणमा परी १५ जना प्रहरीको मृत्यु भएको पुष्टि गरेका छन्।
यसबाहेक तीनजना घाइतेको अस्पतालमा उपचार रहेको र उनीहरूको अवस्था खतरामुक्त रहेको बताइएको छ।
यसअघि बन्नु रेन्जका प्रहरी अधिकृत सज्जाद खानको कार्यालयले जारी गरेको विज्ञप्तिमा फतेह खेल चौकी भवनको भग्नावशेषबाट १२ प्रहरीको शव निकालिएको र तीनजना कर्मचारीलाई भग्नावशेषबाट जीवितै निकालिएको उल्लेख छ।
रोयटर्सले रिपोर्ट गरेको छ कि विस्फोटक पदार्थले भरिएको एउटा गाडी बन्नू शहरको बाहिरी इलाकामा रहेको प्रहरी चौकीमा ठोक्किएको थियो। एक सुरक्षा अधिकारीदले बताएअनुासर विस्फोटपछि आतंककारीहरू चौकीमा प्रवेश गरेर प्रहरीमाथि गोली चलाएका थिए।
