मुख्य समाचार
अन्योलका बीच साफ च्याम्पियनसिपको तयारीमा
अन्योलका बीच साफ च्याम्पियनसिपको तयारीमा

: भारतको गोवामा आगामी जेठ ११ गतेबाट आठौं साफ महिला च्याम्पियनसिप सुरु हुँदैछ । यस प्रतियोगितामा नेपाली टोलीले भाग लिन पाउने कि नपाउने भन्ने विषय नै हाल सर्वाधिक चर्चामा छ । नेपाली महिला फुष्टबल टोली हाल यहि प्रतियोगिताको लागि गत हप्ताबाट प्रशिक्षणमा रहेको छ ।

६ पटकको उपविजेता नेपाली महिला फुटबल टोलीले यस पटक प्रतियोगिता नै खेल्न नपाउने पो हो कि भन्ने चिन्ता बढ्न थालेको छ । यसको कारण हो, हाल नेपाली फुटबलको सर्वोच्च निकाय अखिल नेपाल फुटबल संघ (एन्फा) राष्ट्रिय खेलकुद परिषद (राखेप) को निलम्बनमा पर्नु । राखेपले एन्फालाई ३ महिनाको प्रतिबन्ध लागाएको छ । जसका कारण हाल नेपाली फुटबल मोफसलमा सीमित छ ।

यहि अन्योलका बीच नेपाली महिला फुटबल टोली भने तयारीमा जुटेको छ । राष्ट्रिय टोलीकी कप्तान सावित्रा भण्डारी (साम्बा) र सविता राना मगर चोटका कारण टिमबाट बाहिर रहेका छन् । जसका कारण केही युवा खेलाडीले टिममा मौका बनाएका छन् । साम्बा र सविता टिममा नहुँदा उनीहरुको कमी महसुस हुने प्रशिक्षक नवीन न्यौपाने र टिमका अनुभवी खेलाडीहरुले बताए । प्रशिक्षक न्यौपाने भन्छन्, ‘साम्बा र सविताले धेरै मेहनत गरेर त्यो स्थान बनाएका हुन् । उनीहरुको कमी पक्कै महसुस हुनेछ । तर हामीले नयाँ खेलाडीहरुलाई उनीहरुको स्थानमा तयार गरिरहेका छौं’, प्रशिक्षक न्यौपानेले भने ।

अनिता बस्नेत पनि साम्बा र सविताको कमी महसुस हुने बताउँछिन् । उनले भनिन्, ‘साम्बा र सविताको कमी महसुस हुन्छ । तर हामीसँग उनीहरुको कमी पूरा गर्ने नयाँ खेलाडीहरु आउनु भएको छ ।’ राष्ट्रिय टोलीका महत्वपूर्ण सदस्य प्रिती राई, रेनुका नगरकोटी, एञ्जिला तुम्बापो सुब्बा र सरु लिम्बु व्यावसायिक फुटबलमा व्यस्त छन् ।
यी खेलाडीहरुलाई फिफा विन्डो सुरु हुनु एक हप्ता अगाडि नै बोलाएर टिममा तयारी गराउने प्रशिक्षक नवीनको रणनीति रहेको छ । ‘यी खेलाडीहरुले अन्तर्राष्ट्रिय एक्सपोजर पाइरहेका छन् । तर हामी उनीहरुलाई फिफा विन्डो सुरु हुनु एक हप्ता अगाडी नै बोलाएर टिम तयार पार्ने योजनामा छौं’, प्रशिक्षक नवीन न्यौपानेले भने ।

राजनीतिक तनाव थोपिएका खेलाडीको मानसिकतालाई तयार पार्दै प्रशिक्षक नवीन
अखिल नेपाल फुटबल संघ (एन्फा) ले खेलाडीलाई प्रशिक्षणमा बोलाएको छ । तर खेलाडी भने खेल्न पाउने र नपाउने अन्योलका बीच राजनीतिक विवादलाई लिएर प्रशिक्षण गर्न बाध्य छन् । नेपाली राष्ट्रिय महिला टोलीको प्रशिक्षण हाल नवीन न्यौपानेले सम्हालिरहेका छन् । ६ पटकको उपविजेता रहेको नेपाल हाल मानसिक रुपमा छिन्नभिन्न छ । राजनीतिक अन्योल र अन्तर्राष्ट्रिय निकायबाट समेत निलम्बनमा पर्ने हो, कि भन्ने डरैडरमा नेपाल साफ च्याम्पियनसिप खेल्ने र जित्ने लक्ष्य बोकेर प्रशिक्षण गरिरहेको छ ।

lयही लक्ष्यलाई डोर्‍याइरहेका प्रशिक्षक नवीन न्यौपाने भन्छन्, ‘हाम्रो लक्ष्य उपाधि हो । उपाधिलाई बाहिरी कुराले असर नपारोस् ।’ साफ च्याम्पियनसिपको लागि तयारी गरिरहेका बेला उनले पत्रकारसँगको कुराकानीमा भने । दक्षिण एसियाली फुटबलको लागि साफ च्याम्पियनसिप दक्षिण एसियाली क्षेत्रको विश्वकप नै हो । यस क्षेत्रको फुटबल टोलीका लागि साफ च्याम्पियनसिप जित्नु भनेको विश्वकप जिते सरह नै हो । त्यसैगरी नेपाली महिला टोलीले पनि यसलाई विश्वकप सरह नै हेरेको छ ।

प्रशिक्षक नवीन न्यौपाने भन्छन्, ‘नेपालको लागि साफ च्याम्पियनसिफ विश्वकप सरह हो । हामी नतिजाकै लागि खेल्छौं ।’ नेपाली फुटबल तनावको स्थितिमा रहँदा खेलाडीलाई पहिलो प्रशिक्षणको रूपमा दिइने भनेको मानसिक सुदृढता रहेको प्रशिक्षक न्यौपानेले बताए । ‘यो अवस्थामा सबैभन्दा मुख्य कुरा भनेको खेलाडीलाई मानसिक रूपमा तयार बनाउनु हो ।’

खेलाडीहरू भने अन्योलका बीचमा प्रशिक्षण लिरहँदा साफ च्याम्पियनसिपका लागि तयार भएको बताउँछन् । राष्ट्रिय टिमकी अनुभवी खेलाडी अनिता बस्नेत भन्छिन्, ‘हाम्रो टिमको तयारी राम्रो भइरहेको छ । हाम्रो लक्ष्य उपाधि जित्ने नै रहने छ ।’ त्यस्तै अनुभवी डिफेन्डर गीता राना पनि नयाँ खेलाडीको आगमनले टिममा खेल्न सहज भएको बताउँछिन् । उनले भनिन्, ‘टिममा नयाँ बहिनीहरु आउँदा सहज भएको छ । हामीले गोल्डकपहरु खेलिरहेका थियौं । त्यसैले हामी प्रतियोगिताको लागि तयार छौं ।’

एन्फा भन्छ, ‘हामी तयार छौं, प्रतियोगिता सरकार, फिफा र एएफसीको हातमा छ’
अखिल नेपाल फुटबल संघ (एन्फा) आफूहरु प्रतियोगितामा सहभागिता जनाउन सबै रुपमा तयार रहेको बताउँछ । एन्फाका प्रवक्ता तथा महिला टिमका व्यवस्थापक रहेका सुरेश शाह भन्छन्, ‘हामीले हाम्रो तर्फबाट गर्ने सम्पूर्ण कामहरु गरिरहेका छौं । टिम दर्ता तथा कागजातहरु पेस गरिसकेका छौं । टिमले पनि मेहनतका साथ तयारी गरिरहेको छ ।’

अन्योल र राजनीतिक चपेटामा फसेको नेपाली फुटबलको मारमा हाल नेपाली महिला फुटबल टोली छ । यहि राजनीतिक झमेलाको बीचमा अघिल्लो महिना तय भएको फिफा सिरिज नेपाली टोलीले खेल्न पाएन । नाम फिर्ता लिएर बस्यो । यो घाउ नेपाली महिला खेलाडीको दिलमा नराम्रोसँग बस्यो । यसका लागि खेलाडीले तयारी पनि सुरु गरेका थिए ।

फिफा सिरिज नेपालले गुमायो । त्यस्तो सिरिजहरु चाहिँ हामीले लिन सक्नुपर्छ । त्यो हामीले गुमाउन हुँदैनथ्यो । ठूला टिमसँग खेल्दाको अनुभव साफ च्याम्पियनसिप जस्तो महत्वपूर्ण प्रतियोगितामा सदुपयोग हुन सक्थ्यो’, राष्ट्रिय टिमका प्रशिक्षक नवीन न्यौपानेले साफको तयारीको बारेमा पत्रकारसँग कुरा गर्दै भनेका थिए ।

साफ च्याम्पियनसिपका लागि टिमले तयारी गरेको एक हप्ता भयो । जसमा ३५ खेलाडीले दिनको २ समय प्रशिक्षण लिइरहेका छन् । यी खेलाडीको पुनः एक पटक राजनीतिक कारणले खेल्न नपाउने वातावरण आउने हो कि भन्ने डर बढ्दै गएको छ । यस बीचमा एन्फाका महासचिव किरण राईले अन्नपूर्ण पोष्टसँग भने, ‘हामी खेल्न पाउनेमा आशावादी रहँदै खेलाडीलाई प्रशिक्षणमा राखेका हौं । अब बाँकी कुरा फिफा, एएफसी र नेपाल सरकारको हातमा छ ।’

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...