: नेपालका लेग स्पिनर सन्दिप लामीछानेले एकदिवसीय अन्तर्राष्ट्रियमा सबैभन्दा छिटो १५० विकेट लिने खेलाडी बनेका छन्। जारी आइसीसी विश्वकप लिग २ अन्तर्गत जारी श्रृंखलाको तेस्रो खेलमा उनले स्कटल्यान्डविरुद्ध खेल्दै आफ्नो नाममा रेकर्ड दर्ता गराएका हुन्।
उनले स्कटल्यान्डका वान डाउन ब्याटर ब्रान्डन म्याकमुलेनलाई ७३ रनमा इशान पाण्डेको हातमा क्याच गराउँदै आफ्नो एकदिवसीय १५० विकेट पूरा गरेका हुन्। उनले ७३ औं एकदिवसीय अन्तर्राष्ट्रियमा स्कटल्यान्डविरुद्धको खेलमा आफ्नो १५० विकेट पूरा गरेका हुन्।
यस अघि, अष्ट्रेलियन खेलाडी मिचेल स्र्टाकले ७७ औं एकदिवसीय खेलमा आफ्नो १५० विकेट पूरा गरेका थिए।
सन्दीप एकदिवसीय अन्तर्राष्ट्रियमा सर्वाधिक छिटो १०० विकेट पूरा गर्ने खेलाडी हुन्। उनले ४२ औं एकदिवसीय अन्तर्राष्ट्रियमा आफ्नो एकदिवसीय १०० विकेट पूरा गरेका थिए। यसमा पनि उनले अष्ट्रेलियन खेलाडी स्र्टाककै रेकर्ड तोडेका थिए।
