: गोरखामा निर्माणाधीन सुपर त्रिशुली जलविद्युत आयोजनाका एक मजदुरको निर्माणस्थलमा लडेर मृत्यु भएको छ । गण्डकी गाउँपालिका–बुट्टारमा निर्माणाधीन सो आयोजनाको पर्खालबाट लडेर सप्तरी घर भएका मजदुर दुखीलाल यादवको मृत्यु भएको प्रहरीले जनाएको छ ।
आयोजनामा काम गर्ने क्रममा २० मिटर अग्लो पर्खालबाट लडी ४१ बर्षका यादवको शुक्रबार दिउँसो ३ बजेतिर मृत्यु भएको जिल्ला प्रहरी कार्यालय गोरखाले जनाएको छ । घटनास्थलबाट उपचारका लागि इच्छाकामना अस्पतालमा लैजाँदा उनको मृत्युको घोषणा भएको प्रहरीको भनाइ छ ।
