: रुसले युक्रेनमाथि ठूलो आक्रमण गरेको छ । रुसले युक्रेनमाथि सयौं ड्रोन र दर्जनौं मिसाइल प्रहार गरेको जनाएको छ । युक्रेनका राष्ट्रपति भ्लोदोमिर जेलेन्स्कीले राजधानी कीएभ मुख्य निशानामा परेको बताएका छन्, तर अन्य क्षेत्रहरूलाई पनि लक्ष्य बनाइएको थियो । यी आक्रमणमा कम्तीमा ८३ जना घाइते भएका छन् ।
कीएभ र वरपरका क्षेत्रमा चार जनाको मृत्यु भएको छ। शनिबार–आइतबार मध्यरातभरि विस्फोटका आवाज सुनिएको र आवासीय भवन तथा विद्यालयहरूमा क्षति पुगेको खबर आएको छ । रूसको रक्षा मन्त्रालयले आक्रमणमा ‘ओरेशनिक’ हाइपरसोनिक मिसाइल प्रयोग गरिएको जनाएको छ। मन्त्रालयका अनुसार यी हमला युक्रेनले ‘सिभिलियन पूर्वाधार’ माथि गरेको आक्रमणको जवाफस्वरूप गरिएको हो ।
रूसी राष्ट्रपति भ्दादिमिर पुटिनले शुक्रबार स्टारोबिल्स्क शहरको छात्रावासमा भएको घातक आक्रमणका लागि युक्रेनलाई दोष दिएका छन् । उक्त घटनामा २१ जनाको मृत्यु भएको बताइएको छ । जनरल स्टाफ या युक्रेन आर्म फोर्सले शुक्रबार राति स्टारोबिल्स्क नजिक रूसको कब्जामा रहेको पूर्वी युक्रेन क्षेत्रमा आक्रमण गरेको स्वीकार गरेको छ, तर निशाना रूसको विशेष सैन्य इकाई रहेको दाबी गरेको छ ।
आइतबारर राति रूसले गरेको यो हमला युक्रेनी राष्ट्रपति जेलेंस्कीले रूसले आक्रमणको योजना बनाइरहेको र सम्भवतः ओरेशनिक मिसाइल प्रयोग गर्न सक्ने चेतावनी दिएपछि भएको हो । यो मिसाइल आवाजको गति भन्दा १० गुणाभन्दा बढी तीव्र गतिमा उड्ने बताइन्छ र यसलाई रोक्न लगभग असम्भव मानिन्छ ।
