: श्रम सँस्कृति पार्टीका अध्यक्ष समेत रहेका प्रतिनिधिसभाका सांसद हर्क साम्पाङले सरकारलाई गल्ती गर्ने छुट हुँदै नहुने बताएका छन् ।
प्रतिनिधिसभाको आजको बैठकमा बोल्दै सांसद साम्पाङले प्रधानमन्त्री बालेन शाह संसदमा आएर नेपालले भारतकोा सीमा कहाँ–कहाँ मिचेको रहेछ भन्ने पुष्टि गर्नुपर्ने बताए ।
उनले देशको अस्तित्व र सीमाना र सार्वभौमसत्ता जोगाउने कुरामा सबै सांसद एक ठाउँ हुनुपर्ने बताउँदै प्रधानमन्त्रीले संसदबाट नेपालले भारतको सीमा मिचेको भन्दै दिएको अभिव्यक्ति सच्याउनु पर्ने बताए । उनले यसका लागि प्रधानमन्त्री संसदमा आउनु पर्ने बताए ।
सांसद राईले संसदका प्रत्येक सदस्यले बैठकमा आउनु पर्ने र बैठक अगाडि हाजिर गर्नुपर्ने नियमावलीमा व्यवस्था रहेको बताउँदै प्रधानमन्त्रीको हाजिर छ कि छैन भनेर प्रश्न गरेका छन् । उनले प्रधानमन्त्रीले हाजिर गरेको नपाइए संसदको सदस्य नरहेको ठहर हुने बताउँदै सांसद राइले प्रश्न गरे, ‘प्रधानमन्त्री कति दिन संसदमा आउनु भयो, कतिचोटी हाजिर गर्नु भयो ? संसदको अभिलेखमा देखाइयोस् ।’
