इरानले इजरायलमाथि ब्यालेस्टिक मिसाइल प्रहार गरेपछि केही इजरायली राजनीतिज्ञहरूले प्रधानमन्त्री बेन्जामिन नेतान्याहुको कडा आलोचना

: इरानले इजरायलमाथि ब्यालेस्टिक मिसाइल प्रहार गरेपछि केही इजरायली राजनीतिज्ञहरूले प्रधानमन्त्री बेन्जामिन नेतान्याहुको कडा आलोचना गरेका छन्। उनीहरूले इरानविरुद्ध सैन्य बल प्रयोग गरेर कडा जवाफ दिन माग समेत गरेका छन्।

आगामी निर्वाचनमा नेतान्याहुलाई चुनौती दिइरहेका पूर्वप्रधानमन्त्री नाफ्ताली बेनेटले यस घडीलाई 'सत्यको क्षण' को रूपमा चित्रण गरेका छन्। सामाजिक सञ्जाल 'एक्स' मा एक वक्तव्य जारी गर्दै बेनेटले इजरायलले आफू 'आफ्नो रक्षा गर्न सक्षम एक सार्वभौम राष्ट्र' भएको प्रमाणित गरेर देखाउनुपर्ने उल्लेख गरे।

अमेरिकी राष्ट्रपति डोनाल्ड ट्रम्पले इजरायललाई ब्यालेस्टिक मिसाइल आक्रमणको बदला लिन अनुमति नदिने भन्ने खालका रिपोर्टहरू सार्वजनिक भइरहेका बेला बेनेटको यस्तो भनाइ आएको हो। उनले भनेका छन्, 'इजरायलले दृढता र प्रभावकारी रूपमा कदम चाल्नै पर्छ।'

त्यस्तै, उग्र-दक्षिणपन्थी विचारधाराका राष्ट्रिय सुरक्षा मन्त्री इटामार बेन गभिरले 'एक्स' मा छोटो प्रतिक्रिया दिँदै भनेका छन्, 'आज राति तेहरान जल्दै गरेको हुनुपर्छ।'इरानी मिसाइल आउँदै गरेको पहिलो चेतावनी जारी भएलगत्तै प्रतिक्रिया दिने सरकारी मन्त्रीहरूमध्ये बेन गभिर अग्रपंक्तिमा छन्।

अर्कोतर्फ, वामपन्थी 'डेमोक्र्याट्स' पार्टीका प्रमुख याइर गोलनले इजरायलका शत्रुहरूले 'नेतान्याहु एक कमजोर र असफल नेता हुन्' भन्ने कुरा बुझिसकेको टिप्पणी गरेका छन्। गोलनका अनुसार नेतान्याहु नेतृत्वको वर्तमान सरकारसँग 'इजरायललाई अर्को युद्धमा धकेल्ने कुनै नैतिक अधिकार छैन।' उनले आगामी सेप्टेम्बर वा अक्टोबरमा हुने निर्वाचनमार्फत यो सरकारलाई सत्ताबाट हटाउन मतदाताहरूलाई आह्वान समेत गरेका छन्।

प्रतिक्रिया दिनुहोस्

अन्य समाचारहरु

मृत बाछो बोकेर घण्टौँसम्म हिँडिरहेको पोथी हात्तीको तस्बिरले सन् २०२६ को ‘वन्यजन्तु फोटोग्राफर अफ द इयर’ को सर्वोच्च पुरस्कार जितेको छ

: नामिबियाको मरुभूमिमा मृत जन्मेको बाछो बोकेर घण्टौँसम्म हिँडिरहेको पोथी हात्तीको तस्बिरले सन् २०२६ को ‘वन्यजन्तु फोटोग्राफर अफ द इयर’ को सर्वोच्च पुरस्कार जितेको छ। फोटोग्राफर फेडेरिको भेरोनेसीले खिचेको उक्त तस्बिरले हात्तीको भावनात्मक जीवन र उनीहरूले भोग्ने पीडालाई उजागर गरेको छ। भेरोनेसीले सन् २०२५ सेप्टेम्बरमा नामिबियाको हुआब नदी किनारमा हात्तीको बथानलाई पछ्याउने क्रममा उक्त दृश्य देखेका ...

विश्वकै ठूला तेल कम्पनीमध्ये एक साउदी अरामकोको प्रशासनिक परिसरमा ब्यालिस्टिक मिसाइल आक्रमण

। साउदी अरब र यमनका इरानसमर्थित हुथी विद्रोहीबीचको संघर्ष थप चर्किएको छ । मंगलबार राति साउदी अरबको पूर्वी सहर धहरानस्थित विश्वकै ठूला तेल कम्पनीमध्ये एक साउदी अरामकोको प्रशासनिक परिसरमा ब्यालिस्टिक मिसाइल आक्रमण भएको छ । साउदी सरकारी समाचार संस्था एसपीएका अनुसार ऊर्जा मन्त्रालयका एक अधिकारीले आक्रमणपछि भवनमा आगलागी भएको जानकारी दिएका छन् । घटनामा मानवीय क्षति भएको ...

ट्रम्पले चीन र रुसले इरानलाई सहयोग गरिरहेको भन्ने कुरामा आफूलाई विश्वास नलागेको बताए

अमेरिकी राष्ट्रपति डोनाल्ड ट्रम्पले चीन र रुसले इरानलाई सहयोग गरिरहेको भन्ने कुरामा आफूलाई विश्वास नलागेको बताएका छन् । आफ्नो ट्रुथ सोसलमा लेख्दै ट्रम्पले चीन र रुसले इरानलाई सहयोग गरिरहेको दाबी गर्ने आलोचकहरूको टिप्पणीप्रति प्रतिक्रिया जनाएका हुन् । ‘कट्टर वामपन्थी मूर्ख र सन्कीहरूबाट चीन र रुसले इरानलाई अद्भूत सहयोग गरिरहेका छन् भन्ने धेरै टिप्पणी देखिरहेको छु,’ ट्रम्पले लेखेका ...

लद्दाखलाई भारतको हिस्सा मान्न चीनको अस्वीकार

। भारतले एकतर्फी र अवैध रूपमा स्थापना गरेको भनिएको तथाकथित ‘केन्द्र शासित प्रदेश लद्दाख’ लाई चीनले कहिल्यै मान्यता नदिएको बताएको छ। चीनको विदेश मन्त्रालयकी प्रवक्ता माओ निंगले मंगलबार भारतले लद्दाखका केही स्थानहरूको मानक नाम घोषणा गरेको विषयमा कडा आपत्ति जनाउएकी छिन् । निंगको अनुसार, भारतको गृह मन्त्रालयले विवादित सीमा क्षेत्र र चीनको वास्तविक नियन्त्रणमा रहेका केही ...

साउदी अरबियाको नेतृत्वमा रहेको गठबन्धनले यमनको हुथी विद्रोहीको नियन्त्रणमा रहेको राजधानी सानामा विशेष सैन्य कारबाही गर्ने तयारी

साउदी अरबियाको नेतृत्वमा रहेको गठबन्धनले यमनको हुथी विद्रोहीको नियन्त्रणमा रहेको राजधानी सानामा विशेष सैन्य कारबाही गर्ने तयारी गरेको छ । गठबन्धनका प्रवक्ता तुर्की अल मलिकीले उक्त क्षेत्रमा रहेका सर्वसाधारणलाई सुरक्षित स्थानमा जान चेतावनी जारी गरिने बताएका छन् । उनले सामाजिक सञ्जाल एक्समा वक्तव्य जारी गर्दै उक्त क्षेत्रमा विशेष सैन्य कारबाही सञ्चालन गर्न यस्तो कदम आवश्यक रहेको बताएका ...