मुख्य समाचार
अस्ट्रेलियन बिग ब्यास लिग (बीबीएल) का दुई फ्रेन्चाइज टोलीहरू मेलबर्न स्टार्स र मेलबर्न रेनेगेड्स आगामी सिजन पनि छुट्टाछुट्टै टोलीका रूपमा रहने
अस्ट्रेलियन बिग ब्यास लिग (बीबीएल) का दुई फ्रेन्चाइज टोलीहरू मेलबर्न स्टार्स र मेलबर्न रेनेगेड्स आगामी सिजन पनि छुट्टाछुट्टै टोलीका रूपमा रहने

। अस्ट्रेलियन बिग ब्यास लिग (बीबीएल) का दुई फ्रेन्चाइज टोलीहरू मेलबर्न स्टार्स र मेलबर्न रेनेगेड्स आगामी सिजन पनि छुट्टाछुट्टै टोलीका रूपमा रहने भएका छन् । यी दुईबीचको मर्जर प्रक्रिया हाललाई स्थगित भएको छ ।

बीबीएलको निजीकरणसम्बन्धी छलफल चलिरहेकै बीच क्रिकेट भिक्टोरियाले अर्को सिजन दुवै टोली यथावत् रहने स्पष्ट पारेको हो । यसअघि स्टार्स र रेनेगेड्सलाई एकीकृत गरेर नयाँ ब्रान्डअन्तर्गत एउटै टोली बनाउने योजना अघि बढेको थियो ।

रेनेगेड्सको १०० प्रतिशत लाइसेन्स निजी लगानीकर्तालाई बिक्री गर्ने तथा नयाँ मेलबर्न टोली गठन गर्ने विषयमा छलफल भए पनि निजीकरण प्रक्रिया लम्बिएपछि अर्को सिजनका लागि पुनर्ब्रान्डिङ नगर्ने दुवै क्लबले संयुक्त रूपमा जनाएको छ ।

‘यो क्लबप्रति तपाईंहरूले देखाउनुभएको समर्थन, निष्ठा र गर्वप्रति हामी आभारी छौं । आगामी गर्मीयाममा फेरि मैदानमा भेट्ने अपेक्षा गरेका छौं’ क्लबहरूको संयुक्त विज्ञप्तिमा भनिएको छ ।


क्रिकेट भिक्टोरियाले निजी लगानीका लागि ‘सेल्फ-डिटर्मिनेसन मोडल’ लाई सिद्धान्ततः समर्थन गरिसकेको छ । निजीकरण प्रक्रिया अघि बढिरहेका कारण हाल टोलीहरूले नयाँ खेलाडी अनुबन्ध गर्न पाउने छैनन् ।

पुनर्ब्रान्ड गरिएको मेलबर्न टोलीका लागि क्रिकेट भिक्टोरियाले ‘रेन्जर्स’, ‘म्याजिक’ र ‘ब्लेजर्स’ नाम ट्रेडमार्कका लागि दर्ता गराएको छ । नयाँ टोलीले भिक्टोरियाको एकदिवसीय टोलीजस्तै निलो र सेतो रंगको जर्सी प्रयोग गर्ने प्रारम्भिक योजना पनि बनाइएको छ ।

तर निजीकरणको अर्को चरणमा जानुअघि चार विषयमा सहमति आवश्यक रहेको क्रिकेट अस्ट्रेलियाले जनाएको छ । जसमा नयाँ बिग ब्यास लिगको शासकीय संरचना, क्रिकेट अस्ट्रेलियाको प्रशासनिक ढाँचामा परिवर्तन, खेलाडी संघ (एसीए) सँगको सहमति तथा राज्य संघहरूसँगको आर्थिक वितरणसम्बन्धी सहमति समावेश छन् ।

गत सिजन मेलबर्न स्टार्स अंकतालिकामा चौथो स्थानमा रहँदै प्लेअफ पुगेको थियो । तर होबार्ट हरिकेन्ससँग पराजित हुँदै बाहिरिएको थियो । रेनेगेड्स भने आठ टोलीमध्ये सातौं स्थानमा सीमित भएको थियो ।

क्रिकेट अस्ट्रेलियाका अध्यक्ष माइक बेयर्डले राज्य संघहरूले प्रस्तावबारे आफ्ना बोर्डमा थप छलफल गर्ने र यसले क्रिकेटको भविष्यका लागि स्पष्टता ल्याउने विश्वास व्यक्त गरे ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...