मुख्य समाचार
फ्रान्सले सेनेगललाई ३–१ ले हराउँदै सुरुवात
फ्रान्सले सेनेगललाई ३–१ ले हराउँदै सुरुवात

। कप्तान केलिएन एमबाप्पेले दोस्रो हाफमा दुई गोल गरेपछि साविक उपविजेता फ्रान्सले फिफा विश्वकप २०२६ मा विजयी सुरुवात गरेको छ ।

अमेरिकाको न्यूयोर्क न्यू जर्सी रंगशालामा भएको खेलमा फ्रान्सले सेनेगललाई ३–१ ले हराउँदै शानदार सुरुवात गरेको हो । जितपछि फ्रान्सले समूह आईमा ३ अंक जोडेको छ ।

फ्रान्सको जितमा कप्तान एमबाप्पेले २ र ब्राडली बारकोलाले एक गोल गरे । सेनेगलका इब्राहिम म्बायेले सान्त्वना गोल फर्काए ।

खेलको ६६औं मिनेटमा एमबाप्पेले गोल गर्दै फ्रान्सलाई पहिलो अग्रता दिलाएका थिए । त्यसपछि ८२औं मिनेटमा बारकोलाले गोल गर्दै फ्रान्सलाई दोब्बर अग्रता दिलाए ।

दोस्रो हाफको इन्जुरी समयमा इब्राहिम म्बायेले गोल गर्दै सेनेगललाई खेल फर्काउने प्रयास गरे । तर, त्यसको केही मिनेटमै फ्रान्सका कप्तान एमबाप्पेले गोल जित निश्चित गरे ।

सेनेगलका निकोलस ज्याक्सन र इस्माइला सारले पहिलो हाफमा गोल गर्ने सुन्दर अवसर पाएपनि सदुपयोग गर्न नसक्दा सेनेगल अग्रता लिन चुकेको थियो ।

याे खेलमा फ्रान्सले सेनेगलसँग २४ वर्षअघिको हारको बदला पनि लिएको छ । सन् २००२ मा भएको विश्वकपमा फ्रान्स सेनेगलसँग पराजित भएको थियो ।

सेनेगलविरुद्ध २ गोल गरेका एमबाप्पेले विश्वकपमा कुल १४ गोल पुर्‍याएका छन् । यसअघि उनले सन् २०१८ मा ४ र २०२२ को विश्वकपमा ८ गोल गरेका थिए ।

विश्वकपमा सर्वाधिक गोल गर्नेमान एमबाप्पेले अर्जेन्टिनाका लियोनल मेसी र आफ्नै देशका जस्ट फोन्टेनलाई पछि पारेका छन् । दुवैको समान १३ गोल छ ।

विश्वकपमा सर्वाधिक गोल गर्नेमा जर्मनीका गर्ड मुलरसँगै एमबाप्पे संयुक्त रुपमा तेस्रो स्थानमा छन् । यस्तै सर्वाधिक १६ गोल गरेका जर्मनीकै मिरोस्लाभ क्लोज भन्दा एमबाप्पे अब दुई गोलले मात्र पछि छन् ।

यस्तै एमबाप्पेले फ्रान्सका लागि सर्वाधिक अन्तर्राष्ट्रिय गोल (५८) गर्ने कीर्तिमानसमेत बनाएका छन् । उनले ओलिभर जिरुड (५७) लाई पछि पारेका छन् ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...