। इजरायलले लेबनानको दक्षिणी क्षेत्रमा पर्ने शहरहरूमा हवाई आक्रमण गरेको छ । लेबनानको सरकारी समाचार एजेन्सीले दक्षिणी क्षेत्रका शहरहरूमा इजरायलले हमला गरेको दाबी गरेको हो ।
समाचार एजेन्सीको दाबी अनुसार आक्रमणमा परी कम्तिमा पनि १६ लेबनानी नागरिकको मृत्यु भएको छ ।
लेबनानको सरकारी समाचार एजेन्सीको हवाला दिँदै बीबीसीले शुक्रबार बिहानैदेखि नबातीह सहर र आसपासका क्षेत्रमा इजरायलले लगातार हमला गरिरहेको समाचार प्रकाशित गरेको छ ।
तर, अमेरिका र इरानबीच भएको सम्झौतामा लेबनानसहितका सबै मोर्चाहरूमा सैन्य कारबाही बन्द हुने उल्लेख थियो ।
पछिल्लो समय अमेरिका र इजरायलबीच दक्षिणी लेबनानमा रहेका हिज्बुल्लाहका आश्रयस्थलमा हमला रोक्ने विषयमा मतभेद बढेको छ ।
