: फिफा विश्वकप २०२६ को राउन्ड अफ ३२ को खेलहरु सकिएको छ। यो सँगै २३ औं संस्करणको विश्वकपले आफ्नो अन्तिम १६ टोली पाएको छ।
अन्तिम १६ का खेलहरु शनिबार रातीबाट सुरु हुँदैछन्। शनिबार बिहान भएको कोलम्बिया र घानाको खेल राउन्ड अफ ३२ को अन्तिम खेल थियो। जसमा कोलम्बियाले घानालाई १–० ले पराजित गरेको हो।
शनिबार भएको खेलमा इजिप्टले अस्ट्रेलियालाई पेनाल्टी सुटआउटमा पराजित गर्यो। दोस्रो खेलमा साविक विजेता अर्जेन्टिनाले केप भर्डेविरुद्ध निकै संघर्षपूर्ण जित दर्ता गर्यो।
राउन्ड अफ १६ को पहिलो खेलमा क्यानडा र मोरक्कोले खेल्नेछन्। यी दुई टोलीले शनिबार(आज) राती १०ः४५ मा ह्युस्टन स्टेडियममा खेल्नेछन्।
पराग्वे र फ्रान्सले भोली बिहान २ः४५ मा खेल्नेछन्। अन्तिम १६ को खेलहरु आगामी हप्ता बुधबार सकिन्छ। बिहीबार एकदिन रेस्ट डे रहेको छ। शुक्रबारबाट विश्वकप २०२६ को क्वाटरफाइनलको खेलहरु सुरु हुनेछ।
राउन्ड अफ १६ को तालिका नेपाली समयानुसार
क्यानडा भर्सेस मोरक्को: शनिबार राती १०:४५
पराग्वे भर्सेस फ्रान्स: आइतबार बिहान २:४५
ब्राजिल भर्सेस नर्वे: सोमबार बिहान १:४५
मेक्सिको भर्सेस इङ्ल्यान्ड: सोमबार बिहान ५:४५
पोर्चुगल भर्सेस स्पेन: मंगलबार बिहान १२:४५
अमेरिका भर्सेस बेल्जियम: मंगलबार बिहान ५:४५
अर्जेन्टिना भर्सेस इजिप्ट: मंगलबार राती ९:४५
स्विट्जरल्यान्ड भर्सेस कोलम्बिया: बुधबार बिहान १:४५
