: अमेरिकी राष्ट्रपति डोनाल्ड ट्रम्पले अमेरिकासँग सम्झौता गर्न इरान निकै आतुर रहेको दाबी गरेका छन् । उनले अमेरिका इरानका सर्वोच्च नेता रहेका अली खामेनीको अन्त्येष्टि (अन्तिम संस्कार) सम्पन्न गर्नका लागि एक साताको समय दिएको पनि बताएका छन् ।
अमेरिका स्थापना भएको २५० वर्ष पूरा हुन लागेको अवसरमा आयोजित ऐतिहासिक सम्बोधनका क्रममा ट्रम्पले यी कुरा बताएका हुन् । उनले माउन्ट रशमोरबाट सम्बोधन गरेका थिए । ट्रम्पले भने, ‘हामीले संसारकै सबैभन्दा बलियो र शक्तिशाली सेना निर्माण गरेका छौं । हामीले दुई वटा विश्वयुद्ध जित्यौं, शीतयुद्ध जित्यौं र अमेरिकाका शत्रुहरूलाई इतिहासको गर्तमा पुर्यायौं ।’
उनले थप भने, ‘हामीले भेनेजुएलालाई एकै दिनमा पराजित गर्यौं र इरानलाई पनि नराम्ररी हरायौं । अहिले उनीहरू सम्झौता गर्न अत्यन्तै आतुर छन् । उनीहरू धेरै नै आतुर छन् । हामीले उनीहरूलाई अन्त्येष्टिको कर्म पूरा गर्न एक साताको समय दिएका छौँ, किनभने हामी राम्रो छौं ।’
