मुख्य समाचार
अर्जेन्टिना फुटबल संघ (एएफए) अमेरिकी संघीय अनुसन्धान ब्युरो (एफबीआई) को प्रारम्भिक अनुसन्धानको घेरामा
अर्जेन्टिना फुटबल संघ (एएफए) अमेरिकी संघीय अनुसन्धान ब्युरो (एफबीआई) को प्रारम्भिक अनुसन्धानको घेरामा

। फिफा विश्वकप २०२६ को उपाधि रक्षा अभियानमा रहेको अर्जेन्टिनामाथि मैदानबाहिर ठूलो विवाद सिर्जना भएको छ । अर्जेन्टिना फुटबल संघ (एएफए) अमेरिकी संघीय अनुसन्धान ब्युरो (एफबीआई) को प्रारम्भिक अनुसन्धानको घेरामा परेको छ ।

अर्जेन्टिनी सञ्चारमाध्यम ला नासियोन मा प्रकाशित रिपोर्ट अनुसार एफबीआईले एएफएको अमेरिकाभित्र सञ्चालन भएका व्यावसायिक कारोबार र आर्थिक गतिविधिमाथि अनुसन्धान थालेको हो । अनुसन्धानको केन्द्रमा तारमार्फत हुने आर्थिक ठगी, कर छली र सम्पत्ति शुद्धिकरण सम्बन्धी आशंका रहेका छन्।

प्रतिवेदनअनुसार एफबीआई र वासिङ्टन डीसी तथा मियामीका संघीय अभियोजकहरूले एएफएका अन्तर्राष्ट्रिय प्रायोजन तथा व्यावसायिक सम्झौताबाट आएको करोडौँ डलर अमेरिकी बैंकिङ प्रणालीमार्फत कसरी प्रवाह भयो भन्ने विषयमा अनुसन्धान गरिरहेका छन् ।

अनुसन्धानको केन्द्रमा फ्लोरिडामा दर्ता भएको टुरप्रोडएन्टर एलएलसी नामक कम्पनी रहेको बताइएको छ । एएफएको अन्तर्राष्ट्रिय मार्केटिङ र आर्थिक कारोबार व्यवस्थापनका लागि नियुक्त उक्त कम्पनीमार्फत कम्तीमा ४ करोड २० लाख अमेरिकी डलर फ्लोरिडास्थित कर्मचारी वा व्यावसायिक गतिविधि नै नभएका ‘शेल कम्पनी’हरू हुँदै स्थानान्तरण गरिएको आरोप छ ।

अमेरिकी अनुसन्धानकर्ताहरूले अहिले खेल व्यवसायसँग सम्बन्धित विज्ञ तथा विभिन्न व्यक्तिहरूको बयान लिइरहेका छन्। यी कारोबारहरू अवैध रकम लुकाउन वा कर छली गर्न प्रयोग गरिएको हो वा होइन भन्ने विषयमा अनुसन्धान केन्द्रित रहेको जनाइएको छ ।

अर्जेन्टिनामै पनि चलिरहेको छ अनुसन्धान

एफबीआईको अनुसन्धान सुरु हुनुअघि नै अर्जेन्टिनामा पनि एएफएविरुद्ध छुट्टै अनुसन्धान भइरहेको थियो ।

देशको कर तथा भन्सार निकाय (एआरसीए) को अनुसन्धानका क्रममा एएफएको मुख्यालय, राष्ट्रिय प्रशिक्षण केन्द्र तथा रासिङ क्लब र सान लोरेन्सो सहित १७ व्यावसायिक फुटबल क्लबमा एकैपटक ३० भन्दा बढी स्थानमा छापा मारिएको थियो ।

यसैबीच, अर्जेन्टिनाका संघीय न्यायाधीशले एएफए अध्यक्ष क्लाउडियो तापिया र कोषाध्यक्ष पाब्लो तोबिगिनो विरुद्ध करिब १ करोड ३० लाख अमेरिकी डलर बराबरको कर छली प्रकरणमा मुद्दा दर्ता गर्दै उनीहरूको सम्पत्ति रोक्का गर्नुका साथै केही समय विदेश यात्रा गर्न पनि प्रतिबन्ध लगाएका थिए ।

एएफएबाट आरोप अस्वीकार

एएफएले भने आफूमाथि लागेको सबै आरोप अस्वीकार गरेको छ ।

गत डिसेम्बरमा जारी विज्ञप्तिमा संघले सञ्चारमाध्यममा आएका विवरणलाई ‘पूर्वाग्रही र आधारहीन’ भन्दै खण्डन गरेको थियो ।

एएफएले टुरप्रोडएन्टर एलएलसीसँग भएको सम्झौता कानुनी प्रक्रिया अनुरूप भएको दाबी गर्दै उक्त सम्झौताको अर्जेन्टिना र अमेरिकाका अदालतहरूले समेत समीक्षा गरिसकेको र कुनै अनियमितता नभेटिएको जनाएको छ ।

संघले यी कानुनी प्रक्रिया र समाचारहरूलाई संस्थालाई अस्थिर बनाउने उद्देश्यले सञ्चालन गरिएको अभियानको हिस्सा भएको आरोपसमेत लगाएको छ ।

यसैबीच, विश्वकपमा उपाधि रक्षा अभियान जारी राखिरहेको अर्जेन्टिनाका लागि मैदानभित्रको चुनौतीसँगै मैदानबाहिरको यो अनुसन्धानले पनि थप दबाब सिर्जना गरेको छ ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...