मुख्य समाचार
प्रशिक्षक डिडिएर डेसच्याम्पले फ्रान्सेली टिमको जिम्मेवारीबाट बिदा लिएका छन् र आफूले बिताएको पछिल्लो १४ वर्षको यात्रालाई अद्वितीय रहेको बताए
प्रशिक्षक डिडिएर डेसच्याम्पले फ्रान्सेली टिमको जिम्मेवारीबाट बिदा लिएका छन् र आफूले बिताएको पछिल्लो १४ वर्षको यात्रालाई अद्वितीय रहेको बताए

— प्रशिक्षक डिडिएर डेसच्याम्पले फ्रान्सेली टिमको जिम्मेवारीबाट शनिबार बिदा लिएका छन् र आफूले बिताएको पछिल्लो १४ वर्षको यात्रालाई अद्वितीय रहेको बताएका छन् । उनको कार्यकाल फ्रान्सेली फुटबल इतिहासमै एक सफल समय रह्यो । उनकै नेतृत्वमा फ्रान्सले सन् २०१८ मा मस्कोमा विश्वकपको उपाधि जितेको थियो ।

यसक्रममा उनी खेलाडी र प्रशिक्षकका रूपमा विश्वकप जित्ने तेस्रो भाग्यमानी भएका थिए । उनकै नेतृत्वमा सन् २०२२ मा पनि फ्रान्स विश्वकपको फाइनल पुगेको थियो, तर पेनाल्टी सुटआउटमा अर्जेन्टिनासँग पराजित रह्यो । यसपल्टको विश्वकपमा पनि फ्रान्सको प्रदर्शन उच्च रह्यो र सेमिफाइनल हार अगाडि प्रतियोगिताकै सबैभन्दा राम्रो खेल्ने टिम रहेको थियो ।

तर अन्तिम चारमा भने स्पेनको हातबाट २–० ले पराजित रह्यो । इंग्ल्यान्डविरुद्धको तेस्रो स्थानका लागि भएको खेल पनि फ्रान्सले ६–४ ले गुमायो । पहिलो हाफसम्म फ्रान्स चार गोलले पछाडि रहेको थियो । उनले उत्तरी अमेरिकामा भएको विश्वकप पनि आफ्नो लागि सुखद नै रहेको प्रतिक्रिया दिए र त्यसका लागि उनले आफ्ना खेलाडी र सहयोगीलाई धन्यवाद पनि दिए ।

डेसच्याम्पले मिडियासँगको कुराकानीमा भनेका छन्, ‘मानवीय आधारमा मेरो लागि अहिलेको यात्रा पनि धेरै खुसी दिने रह्यो । हामीले आठ साता जतिको समय सँगसँगै बितायौं । टिमको तयारीदेखि अहिलेसम्मको यात्राका अनेक सम्झनायक मोड रहे ।’ उनले फुटबलको दृष्टिकोणले भने आफ्नो टिम सेमिफाइनलमै रोकिनुलाई निराशजनक रहेको पनि स्विकारे ।

उनको दाबी थियो, टिम राम्रो गरेको पनि हो, तर अन्तिम तगारोमा असफल जस्तै रह्यो । उनले भने, ‘प्रतियोगिताका क्रममा हाम्रो प्रदर्शनमा धेरै सकारात्मक पक्ष रहे । स्पेनविरुद्धको खेलमा भने हामी चुकेकै थियौं । हाम्रोविरुद्ध त्यस खेलमा स्पेनको प्रदर्शन उच्च रह्यो ।’

अब उनीपछि फ्रान्सेली टिमको जिम्मेवारी जिनेदिन जिदानले सम्हाल्ने तय मानिएको छ । फ्रान्सेली लिजेन्डको नेतृत्वमा फ्रान्सेली फुटबलको भविष्य सुन्दर रहेको दाबी पनि ५७ वर्षीय डेसच्याम्पले गरे । उनले भने, ‘अहिले फ्रान्सेली टिममा निकै प्रतिभाशाली खेलाडीको बाहुल्यता रहेको छ । उनी अबको दिनमा अझ राम्रो खेलाडी हुनेछन् । फ्रान्सेली फुटबलका लागि प्रतिशाली खेलाडीको कहिले पनि कमी रहने छैन् र यसै कारण पनि राम्रो नतिजा आइरहने छन् ।’

२०१२ मा डेसच्याम्पले पहिलो पटक फ्रान्सेली टिम सम्हालेका थिए र त्यसको दुई वर्ष अगाडि मात्रै फ्रान्सेली टिम दक्षिण अफ्रिकामा भएको विश्वकपमा लज्जास्पद प्रदर्शनपछि घर फर्केको थियो । रुसमा विश्वकप जितेको दुई दशक अगाडि डेसक्याम्पले कप्तानकै रूपमा च्याम्पियन हुनुको सफलता हात पारेका थिए । उनको नेतृत्वमा फ्रान्सले लगातार चार विश्वकप खेल्यो ।

२०१४ मा फ्रान्स क्वाटरफाइनलमा जर्मनीसँग पराजित भएको थियो र पछि त्यही टिमले विश्वकप पनि जितेको थियो । २०१६ को युरोमा पनि फ्रान्स फाइनलसम्म पुगेको थियो, तर पोर्चुगलसँग पराजित रह्यो । इंग्ल्यान्डविरुद्धको खेलपछि फ्रान्सेली कप्तान किलियन एमबापेले भने, ‘डेसच्याम्पले फ्रान्सेली फुटबलमा पुर्‍याएको योगदान कहिल्यै बिर्सिने छैन् ।’

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...