मुख्य समाचार
नेपालको ब्याटिङमै समस्या
नेपालको ब्याटिङमै समस्या

: अन्तर्राष्ट्रिय क्रिकेट काउन्सिल (आईसीसी) विश्वकप क्रिकेट लिग–टुअन्तर्गत नामिबियासँगको खेलमा नेपालको ब्याटिङमै समस्या देखिएको छ। नेदरल्यान्ड्समा मंगलबार भएको विश्वकप क्रिकेट लिग–टुको त्रिकोणात्मक शृंखलाको आफ्नो पहिलोे खेलमा नेपाल नामिबियासँग ८ विकेटले पराजित भएको हो।

नेपालले दिएको १ सय ५८ रनको मध्यम लक्ष्य नामिबियाले ३७.४ ओभरमा दुई विकेट गुमाएर पूरा गरेको थियो। नामिबियालाई फराकिलो जित दिलाउन जान फ्रयाङलिनले अविजित ७८ रनको पालि खेलेका थिए। उनले ८९ बलमा एक छक्का र आठ चौका हिर्काए। यस्तै माइकल भान लिनगेनले पनि ५१ रनको अर्धशतकीय पालि खेलेका थिए। जान निकोल लफ्टी इटनले अविजित १७ रन जोडेका थिए। नेपालका नन्दन यादव र कप्तान रोहित पौडेलले एक÷एक विकेट लिए।

यसअघि टस हारेर पहिले ब्याटिङ गरेको नेपालले ४६.५ ओभरमा अलआउट हुँदै १ सय ५७ रन जोडेको थियो। लगातार विकेट गुमाउँदा नेपाल कम योगफलमा समेटिएको हो। नेपालका कप्तान रोहित पौडेलले सर्वाधिक ३१ रन बनाए। यस्तै दीपेन्द्रसिंह ऐरीले ३०, गुलसन झाले १८, आसिफ शेखले १६ र सोमपाल कामीले १५ रन बनाए। नेपाललाई धराशयी बनाउन नामिबियाका जेजे स्मिथले ६ विकेट लिए। ९.५ ओभर बलिङ गरेका उनले एक मेडनसहित २७ रन खर्चिएर ६ विकेट लिएका थिए। यस्तै ज्याक ब्रासेल र बर्नान्ड सोल्ट्जले दुई÷दुई विकेट हात पारे। शृंखलाअन्तर्गत नेपालले बिहीबार घरेलु टोली नेदरल्यान्ड्ससँग खेल्नेछ।

आईसीसी विश्वकप क्रिकेट लिग–टुमा नेपाल पाँचौं स्थानमा छ। नेपालले २९ खेलमा २४ अंक जोडेको छ। नेपालले २९ खेलमध्ये ११ मा जित र १६ खेलमा हार बेहोरेको छ। दुई खेल रद्द हुँदा एक÷एक अंक बाँडेको छ। ३२ खेलमा ४३ अंक जोडेको अमेरिका तालिकाको पहिलो स्थानमा छ। ३२ खेलमै ३८ अंक जोडेको स्कटल्यान्ड दोस्रो, २८ खेलमा ३२ अंक जोडेको नेदरल्यान्ड्स तेस्रो, २८ खेलमा ३१ अंक बनाएको ओमान चौथो, २९ खेलमा २४ अंक हात पारेको नामिबिया छैटौं, २८ खेलमा २४ अंक बटुलेको क्यानडा सातौं र २४ खेलमा १४ अंक बटुलेको संयुक्त अरब इमिरेट्स (यूएई) आठौं स्थानमा छन्।

आईसीसी एकदिवसीय विश्वकप क्रिकेट लिग–टु सन् २०२७ मा आयोजना हुने आईसीसी एकदिवसीय विश्वकपका लागि छनोट प्रतियोगिता हो। लिग–टुको समाप्तिपछि अंक तालिकाको शीर्ष चार स्थानमा रहने टोलीले सन् २०२७ को एकदिवसीय विश्वकप छनोटमा स्थान बनाउने छन्। तालिकाको अन्तिम चार स्थानमा रहने टोलीले भने विश्वकप क्वालिफायरका लागि प्लेअफ खेल्नुपर्ने छ। यसैगरी आईसीसीबाट प्राप्त एकदिवसीय मान्यता जोगाउन पनि यो प्रतियोगिता महत्वपूर्ण मानिन्छ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...