मुख्य समाचार
आइसीसी विश्वकप लिग २ को जारी श्रृंखलाको तेस्रो खेलमा नेपाल नामिबियासँग ३ रनले पराजित
आइसीसी विश्वकप लिग २ को जारी श्रृंखलाको तेस्रो खेलमा नेपाल नामिबियासँग ३ रनले पराजित

: आइसीसी विश्वकप लिग २ को जारी श्रृंखलाको तेस्रो खेलमा नेपाल नामिबियासँग ३ रनले पराजित भएको छ।

नेदरल्यान्ड्सको उट्रेचमा भएको खेलमा टस हारेर पहिले ब्याटिङको निम्तो पाएको नामिबीयाले निर्धारित ५० ओभरमा ७ विकेट गुमाउँदै २११ रन बनाएको थियो।

नामिबियाले दिएको २१२ रनको विजय लक्ष्य पछाएको नेपालले निर्धारित ५० ओभरमा ६ विकेट गुमाउँदै २०८ रन मात्रै जोड्न सक्यो।

अन्तिम ओभरमा नेपाललाई जितको लागि १७ रन चाहिन्थ्यो। अन्तिम ओभरमा नामिबियाको लागि कप्तान गेहराड इरास्मस आफै आए। अन्तिम ओभरको पहिलो बल लेग बाइ हुँदै २ रन दोस्रो बलमा १ रन तेस्रो बल चौका चौथो र पाँचौँ बलमा २/२ रन अन्तिम बलमा जित्नको लागि नेपाललाई छक्का चाहिन्थ्यो। अन्तिम बलको रूपमा फालिएको बल वाइड भयो। आधिकारिक अन्तिम बलमा गुल्सन झाले १ रन लिँदा १३ रन मात्रै नेपालले जोड्न सक्यो। जसको फलस्वरूप नेपाल नामिबियासँग ३ रनले पराजित भयो।

नेपालको लागि गुल्सन झा १९ र आरिफ शेख ३८ रनमा अविजित रहे। जितका लागि अन्तिम ओभरमा यी दुई ब्याटरले गरेको प्रयास पर्याप्त भने रहेन।

नेपालका लागि ओपनर ब्याटर आसिफ शेखले सर्वाधिक ४५ रन बनाए। उनले ८९ रन खेलेर ४ चौका प्रहार गर्दै ४५ रन बनाएका हुन्। अर्का ओपनर कुशल भुर्तेलले ३४ रन बनाए। पहिलो विकेटका लागि आसिफ शेख र कुशल भुर्तेलले ५१ रनको साझेदारी बनाउँदै नेपाललाई राम्रो सुरुवात दिलाएका थिए। दोस्रो विकेटका रूपमा वान डाउनमा आएका स्थान पाण्डेको विकेट गए उनले १४ रन बनाउँदै पेभिलियन फर्किए। आजको खेलमा मौका पाएका भीम सार्की खाता खोल्ने बित्तिकै क्याच आउट हुँदै पेभेलियन फर्किए। उपकप्तान दिपेन्द्र सिंह ऐरी ३ रनमा रनआउट भए। कप्तान रोहित पौडेलले ४१ रन बनाए। उनले छैंटौं विकेटका लागि आरिफ शेख सँग ६५ रनको साझेदारी बनाउँदै इनिङ्स उकासे।

नामिबियाको लागि बलिङतर्फ ज्याक ब्रासेलले सर्वाधिक ३ विकेट लिए ।रुबेन ट्रम्पलमेनले २ विकेट लिए।

त्यसअघि, ब्याटिङ गरेकोनामिबियाको लागि जान फ्राइलिंकले सर्वाधिक १०० रनको शतकीय पारी खेले। उनले १४९ बलमा ३ चौका प्रहार गरे। उनले तेस्रो विकेटको लागि लोरेनसँग १३१ रनको शतकीय साझेदारी बनाउँदै खेलको लय सम्हालेका थिए। ओपनर ब्याटर माइकल भान लिंगेन ५ रनमै सोमपाल कामीको बलमा बोल्ड भएका थिए। अर्का ओपनर मलान कुर्गेर पनि करण केसीको बलमा १५ रन बनाउँदै क्याच भए।

लोरेन स्टिनकाम्पले ५९ रन बनाए । कप्तान गेरहार्ड इरास्मस ३ रनमै पेभेलियन फर्किए। जेजे स्मिथ ३ रनमा क्याच भए। जेन ग्रिन ६ रनमा अन्तिम बलमा करण केसीको बलमा गुल्सन झाको हातमा क्याच भए। जान निकोल लोफ्टी इटोन १० रनमा अविजित रहेका थिए।

नेपालको लागि करण केसीले सर्वाधिक ५ विकेट लिए। सोमपाल कामीले १ विकेट लिए।

झारी श्रृंखलाको पहिलो खेलमा नेपालले नामीबियासँग ८ विकेटको हार बेहोरेको थियो। दोस्रो खेलमा नेपालले घरेलु टोली नेदरल्यान्ड्ससँग ६ विकेटको हार बेहोरेको हो।

facebook sharing button

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...