मुख्य समाचार
फिफाका अध्यक्ष जियानी इन्फान्टिनोले विश्वकप २०२६ को आलोचना गर्नेप्रति कडा प्रहार गर्दै उनीहरूले झूटो अफवाहसँगै घृणा फैलाएको आरोप
फिफाका अध्यक्ष जियानी इन्फान्टिनोले विश्वकप २०२६ को आलोचना गर्नेप्रति कडा प्रहार गर्दै उनीहरूले झूटो अफवाहसँगै घृणा फैलाएको आरोप

— विश्व फुटबलको सर्वोच्च संस्था फिफाका अध्यक्ष जियानी इन्फान्टिनोले विश्वकप २०२६ को आलोचना गर्नेप्रति कडा प्रहार गर्दै उनीहरूले झूटो अफवाहसँगै घृणा फैलाएको आरोप लगाएका छन् । उनले प्रतियोगिता सफल रहेको दाबी गर्दै यो एकता, सुरक्षा र समावेशिताको उत्सवमा परिणत भएको पनि बताए ।

उनले फिफाको आधिकारिक सामाजिक सञ्जालमा सोमबार एक खुलापत्र लेखेका हुन् । यसक्रममा ५६ वर्षीय इन्फान्टिनोले विश्वका लाखौं प्रशंसकले अनुभव गरेको खुसी र भाइचारालाई आलोचकले बेवास्ता गरेको पनि आरोप लगाए ।

यसपल्टको विश्वकप अमेरिका, क्यानडा र मेक्सिकोले संयुक्त रूपमा आयोजना गरेको थियो । प्रतियोगिताको विजेता भने स्पेन रह्यो र उसले फाइनलमा अर्जेन्टिनालाई अतिरिक्त समयको खेलमा हराएको थियो ।

उनको भनाइ रहेको छ, ‘आलोचकले घृणा र आलोचना यति धेरै गरे कि यस क्रममा विश्वकपका सबै राम्रा पक्ष छुटे । कलम र कागजको मद्दतले, स्क्रिन पछाडि बसेर घृणा र झूटो अफवाह फैलाउने सबैलाई म भन्न चाहन्छु, फिफाले कडा मिहिनेत गरेर विश्वकै उत्कृष्ट प्रतियोगिता आयोजना गरेर देखाएको छ । पूरा प्रतियोगिताका क्रममा कुनै हिंसा र अप्रिय घटना भएन ।’

उनको निचोड थियो, विश्वकपले शतप्रतिशत सुरक्षा र केवल खुसी र आनन्द मात्र दिएको छ । विश्वकपका क्रममा फिफाले अनेक विषयमा आलोचना सहनुपरेको थियो । यसमा अमेरिकाले लागू गरेको कडा भिसा नीति र अमेरिकाविरुद्ध द्वन्द्वमा रहेका देशप्रति गरिएको व्यवहार थियो । अमेरिकी राष्ट्रपति डोनल्ड ट्रम्पकै हस्तक्षेपपछि फोलारिन बालागेनको रातो कार्डको एक खेल प्रतिबन्ध कायम रहेको थिएन ।

बोस्निया एन्ड हर्जगोभिनाविरुद्धको खेलमा रातो कार्ड खाएपछि हुने एक खेलको निलम्बन स्वतः कसरी हट्यो भनेर ठूलो विवाद भएको थियो । यस्तै अर्जेन्टिना र इजिप्टबीचको खेलमा रेफ्रीको निर्णय एकपक्षीय भयो भनेर पनि व्यापक आलोचना भएको थियो । तर इन्फान्टिनोले यी घटनाबारे केही पनि बोलेका छैनन् । तर उनले यी घटनालाई विश्वभरिका प्रतियोगितामा सामान्य मानिने भने बताए ।

उनको तर्क थियो, ‘यस्तो घटना विश्वकपका केही ठूला लिगमा नियमित र व्यापक हुने गरेका छन् । सम्भावित रूपमा गलत निर्णयबीच दिइएका रातो र पहेंलो कार्डपछि प्रतिबन्ध फुकुवा हुने निर्णय गरेका नै छन् । यस्तै अभ्यास अपनाउने देशले पनि यसको आलोचना गर्छ भने त्यसमा आश्चर्य मान्नुपर्छ । त्यसैले यसबारे पनि धेरै आलोचना ठीक छैन ।’

राजनीतिक तनाव, घरेलु हिंसा र स्वास्थ्य चुनौतीबीच केही देशको सहभागिताले उल्टै एकताको सन्देश गएको पनि उनको दाबी थियो । इन्फान्टिनोको भनाइ थियो, ‘इरानले बिनाकुनै घटना र द्वन्द्वबीच अमेरिकामा प्रवेश पाएकै हो । इरानले किन यस्तो अवसर पायो भन्दा फुटबल शान्तिका लागि हो, यो राजनीति गर्नेका लागि होइन, यो पनि प्रस्ट छ ।’

प्रतिक्रिया दिनुहोस्
अन्य समाचारहरु
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...
। नेपाली क्रिकेट टोलीले राइजिङ स्टार्स एसिया कपको पहिलो खेलमा भारत ए सँग लज्जास्पद हार बेहोरेको छ । शुक्रबार राति दोहामा सम्पन्न खेलमा नेपाल भारतसँग ३०६ रनको फराकिलो अन्तरले पराजित भएको हो । भारत ए ले दिएको ३३३ रनको बलियो लक्ष्य पछ्याएको नेपाल १२औं ओभरमा २६ रनमा अलआउट भयो । नेपालका लागि कुनैपनि ब्याटरले दोहोरो अंकमा रन ...